2018-09-10

Pasdaran êrîşên asmanî li dijî Kurdan li Îraqê piştrast dike

Pasdarên Şoreşa Îslamî ya Îranê (Pasdaran) roja Yekşemê (9ê Îlonê) piştrast kir ku wê êrîşeke asmanî bi mûşekan li dijî komeke dijber a Kurdî li bakurê Îraqê kiriye armanc, AFP ragihand.

Daxuyanî di Malpera Nûçeyan a Sepah hat belav kirin, Pasdaran eşkere kir ku heft mûşek hatin berdan roja Şemîyê ji alîyê beşê rokêtan ê hêza asmanî ya Pasdaran û wan baregehên Partîya Demokrata Kurdistana Îranê (KDPI) li Koyesinceq, li rojhilatê Hewlêrê kirin armanc.

Daxuyanîyê da zanîn ku firqeya dronan a Pasdaran di êrîşê de cih girtibû.

Pazdeh kas hatin kuştin di êrîşa kêmpeyda de di sînor re li ser KDPI, a ku weke komeke "terrorîst" ji alîyê Îranê ve tê hejmartin, peyvdarê KDPI Soran Lorî ji AFP re roja Yekşemê ragihand

Dora 30 kesên din birîndar bûn, li gorî çavkanîyên nûjdarî yên xwecihî.

Daxuyanîyê got ku vê dawîyê KDPI û hêzên Pasdaran ketin nav peçûnan de li bajarokên Merîwan û Kamyaran li navçeya Kurdistanê li Îranê.

Partîya Kurdî di civînekê de dema êrîş pêk hatin, emîndarê giştî yê partîyê û cîgirê wê birîndar bûne, li gorî rayedarekî.

Wezareta Derve ya Îraqê êrîşa bi mûşekan a Îranî şermezar kir.

"Îraqî ewlehîya cîranên xwe diparêze û rê nade ku xaka wê were bikaranîn bo duristkirina gefê li ser welatên din," peyvdar Ehmed Mehcûb di daxuyanîyekê de got. "Lê Îraq bi tundî bikaranîna hêzê bo binpêkirina serwerîya xaka xwe û armanckirina hinek cihan li xaka wê bêyî hevahengîyeke pêşwext şermezar dike."

KDPI yek ji partîyên Kurdî yên kevin li Îranê ye û çendîn serkirdeyên wê partîyê ji alîyê Tehranê ve hatin terorkirin.

Tu vê mijarê diecibînî?

0 Di icons no
* MALIKÊN PÊWIST HÎMA BIKE
Captcha