Du gorên bi komel ên bi dehên laşên sivîlan û hêzên Sûrî yên ku li ser destê tundrûyên "Dewleta Îslamî" (DAIŞ) vedihewênin hatin dîtin li rojavayê parêzgeha Reqayê, AFP roja Înê (29ê Kanûna Yekem) ragihand.

Laş li ser bingeha agahiyên ku şêniyên nêzî Wawî li rojavayê parêzgehê dan hatin dîtin, ajansa nûçeyan SANA a dewletê anî ser ziman. Wê got ku ew hatibûn sêdarekirin.

Tê payîn ku operasyonên lêgerînê çend rojan dom bikin "ji ber berferehiya rûbera herdu gorên bi komel", SANA li ser zimanê jêderekê ji berevaniya sivîl a Sûrî veguhest.

Ne xuyabû ka kangî hatine kuştin, bi tenê divegrin dema ku DAIŞ parêzgeh kontrl kiribû, SANA got.

DAIŞ, bi angaştkirina "xîlafetê" li ser rûberên berfireh ên Sûriyê û Îraqê di 2014an de, hema bibêje ku piraniya xaka ku wê carê kontrol dikiri ji dest daye.

Wê çendîn kiryarên hovane girtin stûyê xwe di serdema terorê de, di nav de kuştina bi komel û serjêkirin.

Di Kanûna Yekem a 2014an de, laşên 230 kesî ku DAIŞ ew sêdare kirin hatin dîtin di goreke bi komel de li rojavayê parêzgeha Dêrazorê.

Herwiha 200 sivîlên, ku zarok û jin di nav wan de hebûn, li ser destê rêxistinê hatin kuştin di Temûza 2015an de li bajarê Kobanê.