Hêzên Iraqî roja Sêşemê (22ê Tebaxê) du navçeyên yekem ji Telafera asêgeha "Dewleta Îslamî" (DAIŞ) vegerandin, AFP ragihand.

Hêzan navçeyên niştecihbûnê Kifah û Nûr bi temamî kontrol kirin piştî du rojan ji destpêkirina êrîşeke berfireh bi piştgiriya hevpeymaniya navdewletî ya ku şerê DAIŞ dike.

Hêza asmanî ya Iraqî belavok bi ser Telafer barandin ku rênima ji welatiyan re himbêz dikirin daku li mal bimînin û xwe dûrî cihên DAIŞ bikin, berdevkê Fermandariya Operasyonên Hevbeş emîd Yehya Resûl ji Diyaruna re got.

Rêxistina Navdewletî ya Koçberiyê got ku tîmên wê "xwedî li hezarên sivîlên ku ji destpêka pêngava serbazî ji Telafer direvin derdikeve".

Ji roja Înê ve, bêtirî 3,000 kes gihiştin du cihên hawarçûnê yên rêxistinê, ku gelek ji wan tenê cilên wan bi wan re bûn, ajansa NY got.

Rêxistina Penaberan a NY got ku wê pêşwaziya nêzîkî 9,000 kesan kiriye li navenda veguhestinê ya Hemam Elîl di hefteya borî de, û ku ew amadekariya hewandina nêzîkî 30,000 kesên din dike.