Berpirsên Holendî roja Pêncşemê (9ê Adarê) bang li welatan kirin ku hewlên xwe zêde bikin ji bo çêkirina databêsekê derbarê tawanên şer ên îdiakirî li Sûriyê, bi rêya bikaranîna belgeyên ku ji aliyê penaber û lêkolîneran ve hatine derxistin, AFP ragihand.
"Berî niha bi milyonên rûpelan û gîgabaytan ji belgeyan li ba me hene, û bi milyonên din jî tên," Wezîrê Derve yê Holenda Bert Koenders di konferansekê de got ku bêtirî 150 pispor, dîplomat, çalakvanên mafên mirov û parêzerên navdewletî lê amade bûn.
Wî anî ser ziman jî ku ew hêvî dike ku "em bikaribin van belgeyan bikar bînin ji bo vekirina dozên xurt li dijî kesên sûcbar bi xirabtirîn tawanan ku tê bawerkirin çêbibin".
Komeleya Giştî ya NY di Kanûna Yekem de qebûl kir ku mekanîzmeke lêkolînê deyne ji bo komkirina belgeyan derbarê tawanên şer li Sûriyê. Ev dê yekem gav be ber bi hewldana ji bo cezakirina kesên berpirsyar ji karên tundutûj li Sûriyê.
Holenda pispor û milyonek euro ($1.06 milyon) pêşkêş kir ji bo alîkariyê di avakirin û rêvebirina vê databêsê de bikin.
Armanca databêsê piştgirîkirina karê Mekanîzma Navdewletî û Pak û Serbixwe bo Sûriyê ku baregeha wê li Cenêv e, ku dê weke Komîsyonerê Mafên Mirov yê NY kar bike. Mekanîzm bi hewceyî nêzîkî $13 milyonan e daku xwe îsal fînanse bike.
