Danûstandinên aştiyê yên Sûriyê yên bi piştgiriya Neteweyên Yekbûyî, îroj Înê, 3yê Adarê, piştî hefteyekê li Cenêvê bi awayekî hêdî ber bi dawî ve diçin û nîşana pêkanîna lihevhatinekê di nava rojevê de hebû da ku bigihin danûstandineke cewherî, li gor raporta AFP.

Şanderê Neteweyên Yekbûyî, Staffan de Mistura, ê ku destpêkê hişyarî ji pêşbînîkirina "bûyerên derasayî" dabû, her roj ligel şandeyên rejîma Sûrî û komên opozîsyonê civiyabû.

Ji bilî merasîmên vekirinê yên hevbeş ên sembolîk ku hefteya borî pêk hatibûn, weke civînên borï, şande vê carê jî rûbirû lihev rûneniştin.

Şeva Pêncşemê, şanderê Neteweyên Yekbûyî heta 3yê berbangê hevdîtin pêk anîn, çavkaniyekê got, roja Înê, berî konferansa çapemeniyê dîsa bi hemû aliyan re civiya.

Tevî ku "dîwarê di navbera herdu aliyan de nehatiye derbaskirin," Cihad Meqdisî, ku serokê Platforma Qahîreyê ye ya ku komeke piçûk a opozîsyonê ye li CeNêvê ji bilî Komîteya Bilind a Danûstandinan a sereke, "me pêşketinek pêk anî."

"Ku Xwedê got erê, ev dê dawiya pirsên tedbîrî be, di civîna bê de, a ku dê di demeke nêz de were lidarxistin, em dikarin bigihin pêşketineke cewherî."