Çend girûpên opozisyonan Sûrî roja Şemiyê (28ê Kanûna Duyem) ragihandin ku ew tevlî Eniya Nusra, ya ku niha bi navê Fetih el-Şam tê naskirin, bûn piştî çend rojan ji pevçûnên di navbera girûpên opozisyonê û Eniya Nusra de , li gorî AFP.
Eniya Nusra û çar komên opozisyonê - Nuredîn el-Zinkî, Lîwa el-Heq, Ensar el-Dîn û Ceyiş el-Suna - ragihandin ku wan hevahengiyeke nû pêk aniye û navê wê kirine Tehrîr el-Şam (Rizgarkirina Sûriyê).
" Di roniya komployên ku şoreşa Sûrî dihejînin... me bidawîkirina hemû girûpên ku navên wan li jêr hatiye nivîsandin û tevlîbûna wan ligel saziyeke nû bi navê 'Tehrîr el-Şam', ragihand," girûpan di daxuyaniyekê de got.
Hevbendiya nû çend rojan piştî ku girûpên opozisyonê yên din tevlî girûpa Ehrar el-Şam bûn derkete holê.
Eniya Nusra û Ehrar el-Şam bo çend salan bi hev re şerê hêzên rejîmê li Idlibê kirin, lê belê vê dawiyê Eniya Nusra ligel hevbendên xwe yên berê li Idlibê û Helebê kete pevçûnan de.
Roja Şemiyê şer ligel kontrolkirina Eniya Şamê ji devera Ihsem û gundê Dana li Idlibê re ji dest girûpên opozisyonê berdewam kir, Rewangeha Sûrî bo Mafên Mirov got.
Eniya Nusra ji agirbesta lawaz a li seranserê welat, ji 30ê Kanûna Yekem ve lidar e, û dawîn gotubêjên aştiyê li Astana hate bi dûrxistin.
Girûpê dijberî bi hewla îzolekirina wê dema ku ew bi êrîşên asmanî yên kujêner dihat armanckirin tohmebar kir, ku bi piranî ji aliyê hevpeymaniya navdewletî ve hatin encamdayîn.
