Hevpeymaniya navdewletî dest bi armancgirtina çeperên "Dewleta Îslamî ya Iraq û Şamê" (DAIŞ) li rojavayê Mûsilê kir, piştî ku hêzên Iraqî rojhilatê bajêr vê hefteyê rizgar kirin, berpirsekî Iraqî roja çarşemê (25ê Kanûna Duyem) got.

Hevpeymaniyê bi taybetî armancên dora Çemê Dîcla hedef girt, berdevkê fermandariya operasyonên hevbeş emîd Yehya el-Zubeydî ji Diyaruna re got.

"Balafirên hevpeymaniya navdewletî heşt qeyikên DAIŞ wêran kirin û şeş komên komê, di nav de baregeha sereke, li aliyê rojavayî ji Mûsilê topbaran kirin," wî got.

"Bi dehan ji terorîstên DAIŞ hatine kuştin û birîndarkirin di êrîşan de," wî got, û dewam kir ku dê operasyonên ji bo rigarkirina beşê rojavayî ji Mûsilê "nêzîk" destpê bikin.

Hevdem, bi sedan malbatên ku sala borî ji Mûsilê reviyabûn, kampên awareiyan roja çarşemê bi cî hiştin û berê xwe malên xwe, di mezintirîn pêla vegera bo bajêr de heta niha, AFP ragihand.

Rayedaran vegera ji kampên awareyan ên Xazir û Hesen Şam heftiyê du caran rêk dixin .

"Em niha 500 malbatan, wate 2,700 kesan, ji bo malên wan ên rizgarkirî dibin," berpirsê herêmî Mustefa Hemîd Serhan li kampa Xazir, ku dikeve başûrê-rojhilatê Mûsilê, got.

"Ev mezintirîn pêl e," anî ziman, ku herî kêm 50 bas ji bo malbatên ku raştine konên xwe û tiştên wan ji bo vegera mal dabûn ser hev.

Li gorî NY, zêdetir ji 180,000 kes ji destpêka operasyonê ve aware bûne lê herî kêm 22,000 vegeriyane malên xwe.