Di êrîşeke asmanî de li Sûriyê roja Sêşemê (3ê Kanûna Duyem) herî kêm 25 endamên Enya Nusra (ANF), ku bi navê Enîya Fetih el-Şam tê zanîn, di nav wan de kesên paybilind, hatin kuştin, AFP ragihand.
Balafirên nenas li yek ji bingehên herî girîng ê komê li Sûriyê, li herêma bakurê-rojavayê parêzgeha Idlibê xistin, Rawangeha Sûrî bo Mafên Mirov Ramî Ebdilrehman got.
Di nav miriyan de endamên sereke yên komê, yên ku civînek li wir li dar dixistin , wî got, beyî ku nasnameya wan diyar bike.
Êrîşê piştî çar rojan ji agirbesta lawaz di navbera rêjîma Sûriyê û komên oposîtsyonê yên serekî de, ku ji alîyê Rusya û Tirkiyeyê ve hate navbênkarîkirin, hat.
Agirbest ne Enya Nusra (ANF) nejî "Dewleta Îslamî li Iraq û Şamê" (DAIŞ) li xwe nagire..