"Dewleta Îslamî li Iraq û Şamê" (DAIŞ) berpirsiyariya zincîra êrîşên bombeyî li seranserî Sûriye roja Duşemê (5'ê Îlonê) ku bi dehan mirî li du xwe hişt kir situyê xwe, AFP ragihand.
Ajansa nûçeyan Amaq ya DAIŞ got ku girûpê li pişt "zincîra êrîşên xwekuj" li Şamê, Tartusa beravê, navenda Humsê û li Hesekê li bakurê rojhilat bû.
Herî kêm 48 kes di teqînan de mirin, medyaya dewletê ragihand, û piraniya wan li du teqînan li Tartusê bûn, tê de 35 kes hatine kuştin û 43 kesên din jî di êrîşê de birîndar bûn.
Herî kêm heşt kes ji aliyê xwekujekî bi motor li bajarê Hesekê hatin kuştin, şeş endamên hêzên asayiş ên ewlehiyê bûn û du sivîlan di nav wan de bûn, medyaya dewletê got.
Çar kesên din di teqîna otomobîleke bombekirî de li taxa Zahraa li Humsê hatin kuştin.
Êrîşa bombeyî jî li ser rêya Sabura li rojavayê Şamê hat ragihandin, û medyaya dewletê jî ragihand ku kesek hate kuştin û sê jî birîndar bûn.
Hevdem, DAIŞ roja Duşemê mirina çekdarê Australî li Suriye yê ku bi pilana sala 2005an a bombekirina Yarîgeha Melbourne ya kirîkêt, di kovareke nû ya bi zimanê Înglîzî ragihand.
Ezit Raed, yê ku ber bi Rojhilata Navîn sefer kir piştî demeke ji xizmetê di zindanê de, dema ku ji bo DAIŞ li Minbicê şer dikir mir, li gorî kovara online a propagandayê Rumiyah.
