Di taxeke aliyê rojhilat ji bajarê Helebê yê Sûriyê de, xelk li derveyî firinan di dorê de ne piştî ku pêşketina rejîmê take rêya alîkariyê ya mayî bo taxên di bin destê opozîsiyonê de qut kir, kêmbûn û buhabûna nirxan zêde kirin.

Nêzîkî 150 kesan li derveyî firinekê di dorê de ne, hevdem 200'ên din li derveyî firineke din kom bûne, AFP roja Çarşemê (13'ê Tîrmehê) ragihand.

"Ev ji 45 deqeyan ve li wir rawestiyayî me û hîn 40 kes li pêşiya min in," Ehmed el-Hac got, ku di dorekê de ye ku nêzîkî 150 kes tê de ne got.

"Duh, malbata min ku ji pênc kesan pêk tê nan nexwariye ji ber ku firin nema kar dikin. Îro, ez dê tenê heft nanan bidest bixim ku bi tenê têra xwarinekê dikin," wî got.

Bi qutkirina Rêya Kastêlo, refên dikanan vala mane û xelk zehmetiyê di peydakirina pêdiviyên sereke dikşîne. Ti ardê nû nayê firinên bajêr, û sûtemeniya ku pê firinên xwe pêxin êdî zehmet e ku were peydakirin.

NY roja Çarşemê got ku ew "gelekî bitirs e" ji rewşa li Helebê, hişyarî jî da ku rojhilat "di metirsiya dorpêçkirinê de bû".