http://diyaruna.com/kmr/articles/cnmi_di/features/2019/09/18/feature-03

×
×
Mafên Mirov |

Îraqî daxwaza bersivê dikin derbarê çarenûsa kesên "bi zorê hatine nebedîkirin"

Omer Elî Li Bexdayê

image

Jineke Îraqî radihêje wêneyekî kurekî xwe yê windayî di protestoyekê de ku daxwaz dike ku zanibe cihên bi hezaran mêrên windayî li kûderê. [Wêne ji internetê hatiye wergirtin]

Cihê bi hezaran Îraqîyên ku "bi zorê hatine nebedîkirin" di şerên rizgarkirina welat de ji "Dewleta Îslamî" (DAIŞ) di her pênc salên borî de hîn nenaskirî ye û malbatên wan li bersivan digerin.

Desthilatdarîyên Îraqî nikarin hejmareke destnîşankirî ji kesên windayî re pêşkêş bikin, lê jêderên siyasî li parêzgehên piranîyan wan Sunî ne texmîn dikin ku bêtirî 12,000an hîn windayî ne, di nav wan de temendirêj, jin û zarok.

Heman jêder dibêjin ku piranîya haletên ku bi zorê hatine nebedîkirin ji alîyê komên çekdar ên di nav Hêzên Heşda Şaebî de, yên ên Îran piştgirîya wan dike, hatine pêkanîn.

Kesên windayî bi zorê hatin windakirin li deverên Rezaza, Seqlawîya , Sersar û Kermayê li parêzgeha Enbarê; Cirf el-Sexr li Parêzgeha Babilê; Sera Dicleyê û Ebû Xrêb li Bexdayê; Sulêman Bêk,Sinîya, Semara û el-Dor li parêzgeha Selahedînê; û gelek bajarokên din li parêzgehên Kerkûk, Nînewa û Diyalayê, li gorî Hevpeymanîya el-Qerar el-Îraqî bi rêveberîya Cîgirê Serokê berê Osama Nucêfî.

Piranîya kesên windayî di şerê li ser DAIŞê de reviyan, di salên 2015an û 2016an de, û li gorî şehadetên welatîyan, ji alîyê hêzên çekdar ên bi hevahengî ligel Heşda Şaebî kar dikin ve hatin girtin, hevpeymanîyê di daxuyanîyekê de roja 5ê Îlonê got.

Kifşkirina 31 laşên nenaskirî nêzîkî Cerf el-Sexr meha borî qerebalixeke mezin di nav welatîyan de çêkir û tris zêde kir ku gelek kesên windayî dibe ku ji alîyê komên çekdar ve li derveyî qanûnê hatibin kuştin.

Siyasî û rêxistinê civaka sivîl xwestin ku peygerînek derbarê wê kifşkirinê de çêbibe û ku laş neyên veşartin heta nasnameya qurbanîyan û şert û mercên mirina wan werin destnîşankirin.

Delîl têkildarî zindanên nepenî hene

Agahîyên hewalgirî destnîşan dikin ku ew kesên bi zorê hatine windakirin li deverine li dervey desthilatdarîya hikûmetê hatine girtin, parlementerê ji parêzgeha Kerkûkê Xalid Mefrecî ji Diyaruna re ragihand.

Wî got ku ew di zindanine nepenî de li bajarê Cirf el-Sexr li parêzgeha Babilê hatine girtin, li devera Sedr el-Qenat li Bexdayê û kampa Eşrefê li parêzgeha Diyalayê, ew hemû dever jî ji alîyê milîsan ve tên kontrolkirin.

"Tu kes nikare van agahîyan red bike ji ber delîlên têr dikin derbarê wê yekê hene, ligel rastîya ku hejmarek ji kesên ku bi zorê hatine windakirin bi pereyan ji wan zindanên nepenî hatin berdan, û ew in ew kesên ku ev agahî dabîn kirine û navên kesine din ên bi zorê hatine windakirin, ên hîn di wan zindanan de ne, eşkere kirin," al-Mafraji said.

"Em ne bersûcên kitûber ferz dikin; delîl li bal me hene û em dixwazin xelkên me werin berdan yan jî bi kêmanî werin darizandin eger tu tawanbarî li dijî wan hebin," wî got.

Wî bang li hikûmet û partîyên siyasî kir ku bigihine çareserîyekê ji vê doza mirovî re da ku êş "mezintir nebe heta asta ku hin ji wan ber bi tundîyê ve biçin".

Tu vê mijarê diecibînî?
1
Na

0 KOMÊNT

Rêbazên Komentan
Captcha