Nûçeyên Iraqê
Terorîzm

Hêzên Îraqî endamekî DAIŞê ku destê wî di tawanên li dijî Êzidîyan de hebû digirin

Xalid Taî

Yekîneyên artêşa Îraqî beşdarî operasyoneke lêgerînê li biyabana Dorava Beacê li başûr-rojavayê Nînewayê di 4ê Tebaxê de dibin. [Wêne ji Wezareta Berevavnîyê ya Îraqî hatiye wergirtin]

Yekîneyên artêşa Îraqî beşdarî operasyoneke lêgerînê li biyabana Dorava Beacê li başûr-rojavayê Nînewayê di 4ê Tebaxê de dibin. [Wêne ji Wezareta Berevavnîyê ya Îraqî hatiye wergirtin]

Hêzên Îraqî Sêşemê (6ê Tebaxê) endamekî "Delweta Îslam" (DAIŞ) li parêzgeha Nînewayê girtin ku tawanên li dijî Êzidîyan pêk anîbû gava rêxistinê di 2014an de êrîşî Şengalê kir.

Hêzeke hevbeş a artêşê Hazim Muhemed Ebdulah Qasim girt, ku bi navê Ebû Hacir jî tê naskirin, li bajarok Bacê li başûr-rojavayê Nînewayê piştî agahîne hewalgirî derbarê cihê wî de hatin wergirtin, Wezareta Berevanîyê ya Îraqî ragihand.

Ebû Hacir ji ber tawanan xwestîbû, di nav de hingavtina jinên Êzidî û kuştina zilamên Êzidî, wezaretê di daxuyanîyekê de got.

Girtin "peyamekê ji niştecihên xwedcihî re dişîne û wan rehet dike û bawerîya wan bi karîna hêzên ewlekarîyê xurt dike, ku dê li pey hemû terorîstan bikevin û wan ceza bikin," Binyan Cerba, yê di komîteya encumena parêzgeha Nînewayê de cih digire got.

Hêzên bijarte yên Îraqî bi ser veşartgeheke DAIŞê de digirin li parêzgeha Nînewayê di 25ê Tebaxa 2018an de. [Wêne ji fermandarîya polîsê Nînewayê hatiye wergirtin]

Hêzên bijarte yên Îraqî bi ser veşartgeheke DAIŞê de digirin li parêzgeha Nînewayê di 25ê Tebaxa 2018an de. [Wêne ji fermandarîya polîsê Nînewayê hatiye wergirtin]

Wî anî ziman ku weke van girtinan dîyar dikin "ku hêzên me gavine baş û çalak davêjin di warê hewalgirîyê de."

Cerba dîyar kir ku ev pêşketin nîşaneya "têkilîya êrînî ya zêdebûyî di navbera ajansên ewlekarîyê û niştecihên xwecihî de ye, yên agahîyan derbarê tevger û çalakîyên paşmahîyên DAIŞê de pêşkêş dikin."

Operasyonên ewlehîyê li Nînewayê berdewam in

Girtina Ebû Hacir di dema lêgerîna hêzên ewlekarîyê de hat, ku ew li çiya û deverên biyabana Nînewayê digerîyan di çarçoveya qonaxa sêyem a pêngava "Vîna Serkeftinê" ya ewlehî , ku ji Duşemê de hatiye destpêkirin.

Cerba got ku armanc ji pêngavê "bihêzkirina ewlehîya hundirîn û nehiştina gefa terorîstan li ser şênîyên gundên li biyabanê û li nêzî deverên çiyayî ye".

"Hejmareke biçûk a endamên DAIŞê li hinek deverên terikandî heye, û ew car caran kiryarên terorî pêk tînin," wî got.

Wî got ku ev operasyonên ewlehî dê alîkarîyê bikin di "lawazkirina van endaman û sînordarkirina çalakî û karînên wan de, şikandina moralên wan, û misogerkirina aramîyê li parêzgehê".

Di her du rojên borî de, hêzên Îraqî heşt stargeh wêran kirin û hejmarek ji bombeyên bidestçêkirî bêbandor kirin.

Cerba eşkere kir ku wan herwiha 17 kesên cihê gumanê li Badûş, Atşana, Şêx Brahîm, û Navçeya Lînê girtine.

Berî vê yekê, Firqeya 20ê ya artêşê pênc tunêl û stargeh li biyabana Dorava Beacê wêran kirin.

Cerba teqezî li ser hewcearîya bi "tevgerandina hemû saman û karînan kir" bo jinavbirina paşmahîyên DAIŞê, û bang li desthilatdarîyan kir ku xebatên xwe berdewam bikin bo pêşxistina yekîneyên hewalgirîyê, û pêkanîna yekîneyên ewlehî û dabînkirina çekên giran.

Tu vê mijarê diecibînî?

0 KOMÊNT
Rêbazên Komentan * MALIKÊN PÊWIST HÎMA BIKE 1500 / 1500