Belavkirina balefirên şer ên ji corê Bazên F-15C ya vê dawîyê piştgirîya bilindkirina asta teknolojîya şerê asmanî ya misyona têkbirina "Dewleta Îslamî" (DAIŞ) û misogerkirina aramîyê li herêmê kir, berpirsên Îraqî ji Diyaruna re got.

Balefirên şer ên Hêza Asmanî ya Amerîkayê yên ku li herêmê di destpêka vê salê de hatine bicihkirin, armanckirina bi dîqet ji çeperên DAIŞê re, komkirina agahîyên hewalgirî û parastina hêzên bejahî misoger kirin, di çarçoveya Operasyona Çareserîya Rîşeyî de.

Balefira cengê "weke yek ji firokeyên şer ên herî xeternak tê naskirin", peyvdarê Wezareta Berevanîyê, lîwa Tehsîn Xefacî ragihand.

"Çendîn modêlên firokeya F-15 hene, di nav de modêla 'C', ya ku herî navdar e," wî ji Diyaruna re got, û da zanîn ku her du motorên wê wê gelek bi hêz dikin û rê didin manorên ewletir.

"Ew balefireke cengê ya pêşketî ye ku xwedan sîstemeke tevgera hewayî ya eleketronî û arastebarî bi rêya hevyên destkird e, ku sîstemên berevanîya zemînî yên herî pêşketî nikarin pêjina wan bikin û wan armanc bikin," Xefacî got.

"Ew pir baş e di komkirin û analîzkirina agahîyên hewalgirî û pêwendîyên eleketronî yên dijmin de," wî got.

Wî got ku weke beşekî ji sîstema cengê û serbazî ya Amerîkayê, Bazên F-15C xwedan hêza "parastina hewa, erd û deryaya xwe ye û berevanîkirina hevalbendan e".

"Di her çar salên dawî de, ew [Amerîka] piştgirîya asmanî ji me re dabîn dike bi rêya armanckirina asêgehên terorîstan," Xefacî got, û da zanîn ku hêzên Amerîkayê rahînanê ji artêşa Îraqî re pêşkêş dikin.

Teknelojîya firînê ya herî pêşketî

F-15C bi "sîstemên xwe yên xwezirxîkirinê navdar e, û ew rê dide wê ku xwe ji radaran vedize", pisporê stratîjî Ehmed Şerîfî ji Diyaruna re ragihand.

Wî got ku teknolojîya wê ya firînê ya herî pêşketî "gelek advantajan" di warê misyonên şerkirinê de jê re misoger dike.

Wî got ku firokeya cengê dikare êrîşan bi bilindahî û goşeyên cuda bi zîrekî, û bi dîqeteke pir tê bikaranîn, û ew dikare manorên herî zehmet pêk bîne û bi hêsanî ji deverên şer vekişe.

"Rewşên hewayêkarînên wê kêm nakin, û ew hatiye dîzayinkirin bo di rewşên hewayê yên zehmet de mîna baran û bagerên tozê, bi şev û roj bê bikaranîn bi saya sîstema wê ya firînê ya pir bi dîqet," Şerîfî got.

Wî got ku ev balefireke şer a bêhampa ye ku "bi tenê bo misyonên herî bilind û stratîjî tê bikaranîn", û da zanîn ku ew heta bi lezgînîya 3,000 kîlometran di demjimêrê de li ser bilindîya 65,000 gavan dikare bifire.

Bazên F-15C "yek ji balefirên şer ên herî baş e ji alîyê performansa şerkirinê," û ew dikare misyonên koleçankirinê and rêgirtinê pêk bîne, lêkolînerê karûbarên siyasî û stratîjî, Amir Saidî ji Diyaruna re ragihand.

Wî got ku ligel karîna firokeya şer a cihgirtina di şer de di hemû rewşên hewayê de, "ew herwiha dikare ku gelek barên mîna çekan hilbigire".

Ew herwiha bo berdana mûşekên bi medayên cuda hatiye dîzayinkirin, bi taybetî yên ji van celebeyan (AIM-120 AMRAAM, AIM-9 Sidewinder û AIM-7 Sparrow).

"Bi saya pêşxistina wê, ev firoke weke beşekî girîng a arsenala hêza asmanî ya Amerîka, NATO û hevalbendên Amerîkayê tê naskirin," Saidî got.