Hêzên Îraqî serkeftinên ewlehî li dijî paşmahîyên "Dewleta Îslamî" (DAIŞ) li Kerkûkê vê heftîyê pêk anîn, bi kuştina endamekî û girtina pênc kesên din û wêrankirina 10 veşartgehên rêxistinê, berpirsekî ji Diyaruna re ragihand.

Hêzên ewlekarîyê "zincîrek ji operasyonên serkeftî li gundewarên Kerkûkê û bajarokên wê pêk anîn" di du rojên borî de, berpirsê ofîsa ragihandina parêzgeha kerkûkê Merwan Anî Înê (15ê Adarê) eşkere kir.

Wî got ku balefirên şer êrîşeke asmanî li dijî xalekê li Xerab Rût li navçeya Dibisê pêk anîn, ku bû encama "endamekî xeternak ê DAIŞê bi navê Cîhad Mefrecî".

Anî teqez kir ku hêzeke hevbeş a polîsê Federal û Heşda Şaebî "terorîstekî xeternak ê din" li gundê Saedûnîyayê li başûr rojavayê Kerkûkê girtin, lê wî nasnameya wî terorîstî eşkere nekir.

"Hêzên ewlekarîyê heriwha çar terorîst li ser rêya Menzilayê ya dikeve di navbera navçeya Hewîcayê û navçeya Multeqayê de girtin," wî got, û teqez kir ku ew li gorî destûrnameyan hatin girtin.

Anî got ku di heman demê de, hêzên Firqeya 5ê ya Polîsê Federal operasyoneke berfireh a ramaliştinê roja Pêncşemê li devera Riyadê li Hewîcayê dest pê kir.

Wî eşkere kir ku deh malên vehewanê yên terikandî li deverên Westanîya û Newîm Kerha hatin dîtin, û dê alavên teqîner ên TNT, 30 galonên teqemenîyên ji coreyê C-4, gelek çek, xwarin, nivîn û alavên navmal di veşartgehan de hatin dîtin.

"Ev hemû aytim hatin jihevxistin û malên vehewanê bi temamî hatin wêrankirin," wî got.

Fermandarîyeke ewlehî ya nû

Anî got ku peresendinên vê dawîyê "serkeftina plana ewlehî ya ku roja 23yê Sibatê ji alîyê serkirdeyên ewlekarî li Kerkûkê hat destpêkirin refleks dike".

Plan damezrandina Fermandarîya Pêşengîyên Pêşketî yên Operasyonên Hevbeş dihundirîne, bi serokatîya lîwa Saed Herbiya ji hêzên taybet.

Fermandarî berpirs e ji birêvebirina xebatên ewlehî li parêzgeha Kerkûkê bi hevkarî ligel hemû sazîyên ewlekarîyê, di nav de artêş, polîs, hewalgirî û hêzên dijî terorê.

"Ji dema plan hatiye destpêkirin, rojek bê destketîyên ewlehî derbas nabe," Anî teqez kir.

Wî got ku bi giştî rewşa ewlehî li parêzgehê "bi awayekî berçav baş bûye û aniha pir baş e, eger em ligel meha borî berhev bikin".