http://diyaruna.com/kmr/articles/cnmi_di/features/2019/02/06/feature-04

Ewlehî |

2019-02-06

Hevpeymanî 8 veşartgehên DAIŞê li parêzgeha Selahedînê wêran dike

Xalid Ta'î

Di icons tw 35 Di icons fb 35

Balefireke şer a hevpeymanîyê hazirîya êrîşeke asmanî li ser armancên DAIŞê li Îraqê dike, ev wêne di 6ê Tîrmeha 2018an de hatiye belavkirin. [Wêne ji Tîma Têkilîya Dijîtal a Amerîkî hatiye wergirtin]

Balefirên şer ên hevpeymanîya navdewletî heşt cihên "Dewleta Îslamî" (DAIŞ) li girên Hemrînê û Mexûlê li parêzgeha Selahedînê wêran kirin, Fermandarîya Operasyonên Selahedînê Çarşemê (6ê Sibatê) ragihand.

"Balefirên şer ên hevpeymanîyê êrîşên asmanî yên serketî li ser veşartgehên çekdarên DAIŞê yên mayî li deverên dûrdest ên parêzgehê pêk anîn," fermandar ferîq Cuma Enad Saedûn Cibûrî ji Diyaruna re eşkere kir.

Cibûrî dîyar kir ku heşt cihên DAIŞê bûn armanc; sê li girên Meءûlê û pênc li zincîra girên Hemrînê.

Leşkerekî Îraqî rokêtine ku li veşartgeheke "Dewleta Îslamî" hatine dîtin li Bêjî li parêzgeha Selahedînê diteqîne, wêne vedigere 10ê Tebaxa 2018an. [Wêne ji Wezareta Berevanîyê ya Îraqî hatiye wergirtin]

Wî got ku êrîşên asmanî li ser bingeha agahîyên ku Hewalgirîyên Wezareta Hundir û Birêveberîya Dijî Terorê ji hevpeymanîya navdewletî re dabîn kirin pêk hatin.

Cibûrî got ku hevpeymanîyê fermandarîya operasyonan agahdar kir ku ew dê li wan cihan bide "ji ber ew dikevin di sînorên qada berpirsyarîya fermandarîyê de û bo piştrast bibin ku ew xalên dijmin in".

Wî got ku fermandarîyê hevahengîyeke dida hêza asmanî ya hevpeymanîyê, û da zanîn ku xal paş pêkanîna êrîşên asmanî dihatin şopandin bo "piştrastbûn ku tu kes nerevîye û tu tevgerên çekdaran li deverên armanckirî tune ne".

"Tu agahîyên hûr li dor wendahîyên dijmin negihştine destên me ji ber ku ew xal li deverên dûrdest in," wî got û balkişand ku fermandarî kar li ser komkirina agahîyan di rêya tîmeke taybet a çavdêrîyê re dike.

Kêm çekdarên DAIŞê li Selahedînê mane

"Elementên mayî yên DAIŞê yên xwe li parêzgehê veيهşêrin pir kêm bin û tu gefeke mezin pêk nayênin," Cibûrî daxuyand.

"Ew bi tenê çavkanîyeke tirsê ne ji şênîyan re li gundên li nêzî navçeyên mişt gir yan jî li nêzî biyabanê," wî got.

Wî got ku ji ber ku çekdarên DAIŞê yên mayî bi piranîya xelkê deverê ne, ew bi hêsanî dikarin rêyên revê bibînin û deverên asê yên bikêrhatî bo xweveşartinê nas dikin û ew dizanin çawa xwe dûrî çavan bikin dema ku ew pêjna dengê balefirên şer an navgînên serbazî dikin.

"Lê hêzên me wan bi selametî nahêlin," Cibûrî got. "Em hertimî êrîşên nişkayî pêk tînin û veşartgehên wan wêran dikin û li pey wan diçin."

Wî got ku fermandarî herî kêm du misyonên lêgerînê di heftîyekê de pêk tîne bo lêgerîna li veşartgehên DAIŞê.

Wî got ku ji dema ku hêzên Îraqî êrîş birin ser xalên DAIŞê li biyabanê di meha Cotmehê de û 18 tundrew kuştin, tu qerbanîyên DAIŞê di misyonên lêgerînê de heta aniha çênebûne.

"Di dema dawî de, em bi tenê xanîyên vehewanê û komgehên bombeyên bidestçêkirî û teqemenîyan dibînin," û em wan wêran dikin, Cibûrî wiha got.

Di misyona xwe ya herî dawî de, hêzên fermandarîyê 3yê Sibatê xanîyekî vehewanê li girava Tikrîtî wêran kirin, ku rokêtên Katyûşa, du kemberên teqîner û çekên weset û herwiha hinek alavên lojistî dihundirandin.

Tu vê mijarê diecibînî?

24
1
Di icons no

1 KOMÊNT

Rêbazên Komentan
Captcha
Comment bubble | 2019-02-09

Xwedê ji we razî be!

BERSIV BIDE