http://diyaruna.com/kmr/articles/cnmi_di/features/2018/03/12/feature-01

Terorîzm |

2018-03-12

Şer û pevçûn di navbera Tehrîr el-Şam û hevrikên wê de piştî agirbesteke kurt

Di icons tw 35 Di icons fb 35

Şêniyên bajarokê Kefir Sacnayê yê parêzgeha Idlibê otmbîleke rûxandî pişkinîn dikin di dawîn erîşên asmanî yên rejîma Sûriyê. [Wêne di medya civakî de hatiye belavkirin]
Şêniyên bajarokê Kefir Sacnayê yê parêzgeha Idlibê otmbîleke rûxandî pişkinîn dikin di dawîn erîşên asmanî yên rejîma Sûriyê. [Wêne di medya civakî de hatiye belavkirin]

Pevçûnên giran dîsan dest pê kirin roja Yekşemê (11ê Adarê) li gundewarên Idlib û Helebê di navbera Tehrîr el-Şam û Eniya Rizgarîxwazî ya Sûrî piştî agirbesteke du-rojî di navbera hevbendiyên hevrik de, çalakvanan ji Diyaruna re ragihand.

Dîsa destpêkirina pevçûnan di navbera hevbendiya tundrû û hevrika wê de, ku komeke nû ye ji hevgirtina Nûredîn Zinkî û Ehrar el-Şam pêk tê, hevdem bû li gel nofekî din ê êrîşên asmanî yên kujêner ji aliyê rejîma Sûriyê ve.

Berî dewamkirina şer, herdu alî bi agirbesteke du-rojî pêbend bûn, ku komîteyek navjîkar ku ji endamên Feyleq el-Şam û rûsipiyên parêzgeha Idlibê pêk hat ew saz kiribû, çalakvanekî Idlibî, bi navê Heysem Îdlibî, got.


Şênî ziyana ku êrîşên asmanî yên rejîmê li parêzgeha Idlibê hiştine pişkinîn dikin roja Yekşemê (11ê Adarê). [Wêne di medya civakî de hatiye belavkirin]

Şênî ziyana ku êrîşên asmanî yên rejîmê li parêzgeha Idlibê hiştine pişkinîn dikin roja Yekşemê (11ê Adarê). [Wêne di medya civakî de hatiye belavkirin]

Komîteyê navjîtî di navbera herdu aliyan de kir û bang li wan kir ku li ser agirbesteke 48-demjimêrî ku Înê dest pê kir li hev bikin -- ew yekemîn agirbest e li navçeyê di 18 rojan de ji dema destpêkirina kiryarên dijminkarî de, wî ji Diyaruna re got.

"Mebesta agirbestê paqijkirina rê bû bo gotûbêjan di navbera herdu aliyan de bo nehiştina sedemên nerêkeftinê di navbera wan de û gihiştin bi rêkeftinameyeke mayinde bo rawestandina şer," wî got.

Idlibî got ku şer bi lez û bez dewam kir, bi taybetî li bajarokên Besertûnê li gundewarê rojavayî yê Helebê, û wîda zanîn ku ji wir ew belav bû piraniya aniyan li gundewarê Heleb û Idlibê.

"Her du aliyan xebatên navjîkaran ên dirêjkirina agirbestê red kirin ji ber cudahiyên bingehîn," wî da zanîn, "û her aliyekî li ser hewlêsta xwe rijd bû, û daxwaz dikir ku aliyê din navçe û çekên xwe radest bike."

Dewamkirina pevçûnan hevdem bû li gel êrîşên asmanî yên giran ên rejîmê li ser çend deveran li Idlibê, di nav de bajarên Idlibê û Cisirê Şuxûr û bajarokên Kefir Sacna, Latimina, Alya, Kefir Zita û Zirbahê, wî got.

Balafirên şer ên rejîmê bajarê Binişê bo cara yekem di salekê de kirin armanc, tevî ku dikeve zona agirbestê û kêmkirina şer de ya ku par hat ragihandin.

Idlibî got ku êrîşên asmanî li ser bajarê Idlibê avahiya rêveberiya xwecihî kirin armanc, û ew bi erdê ve kirin piştî ku du rokêt lê xistin, û gerajeke basan a ku bajar bi tevahiya deverên gundewarî yên parêzgehê ve girê dida hat wêrankirin.

Tu vê mijarê diecibînî?

0 Di icons no

0 KOMÊNT

* MALIKÊN PÊWIST HÎMA BIKE
Captcha