Tehrîr el-Şam rastî ziyanên canî û madî yên giran hat di dema şerê berdewam de li herêma Xûteya Rojhilatî nêzîkî Şamê, çalakvanan roja Pêncşemê (4ê Kanûna Duyem) ji Diyaruna re got.

Şerekî giran di dawiya hefteya bûrî de derket li Xûteya Rojhilat dema ku çekdarên Tehrîr Şam qebûl nekirin ku ji bajarê Idlibê û derdorên wê vekişin, çalakvan Mihemed Bêk ji komîteya hevahengiyê ya Xûteya Rojhilatî, got.

Ev yek li dijî mercên rêkeftineke lihevkirinê ye ku gerek li gorî wê ligel malbatên xwe derkevin beramberî sekinandina bombebarankirina deverê, wî ji Diyaruna re got.

Piraniya komên opozîsyonê li deverê, ku piraniya wan tundrû ne weke Tehrîr Şam, Ceyş el-Îslam û Ceyş el-Ebabîl, rola wan di şer de hebû.

Lê ziyanên Tehrîr el-Şam yên herî zêde bûn, ji ber ku hevbendiya tundrû -- ku Eniya Nusraya berê kontrola wê dike -- ya herî mezin e ji aliyê hejmara çekdaran û erda ku kontrol dike, Bêk got.

"Şerê tund li û derdora bajarokê Heresta çêbû, ku li wir hejmarek ji avahiyan hene ku yên yekîneyên artêşa Sûrî û ajansên ewlekarî yên rejîmê ne," wî got.

Wî got ku Tehrîr el-Şam karîbû vê deverê bigre û derdora 200 efser û çekdarên rejîmê dorpêç bike di avahiyeke lêkolînên tawanan de.

Lê hêzên rejîmê û çekdarên hevalbendên wê roja Pêncşemê karîbûn ku derbasî deverê bibin, û dorpêçê rakin, û bêtirî 30 endamên Tehrîr el-Şam ji nasnameyên cuda bikujin.

Xelk daxwaza vekişîna çekdaran dikin

Bêk got ku Şer jinişkave derket, piştî ku xelkê xwecihî hêvî dikirin ku aramî vegere piştî ku çekdarên tundrû ji deverê derketin.

Şer raya xelkê li deverê guhert li dijî grûpên çekdaran, ew devera ku berî çend mehan ji aliyê rejîma Sûriyê ve dorpêçkirî bû, wî got jî.

Li hinek bajarokan xwepêşandan çêbûn ku daxwaza vekişîna çekdaran dikirin -- bi taybetî li bajarokê Babila -- ku li wir grûpine mezin ji jinan xwepêşandan kirin ji bo daxwazkirina vekişîna Ceyş el-Îslam û Ceyş el-Ebabîl ji devera xwe.

Ceyş el-Îslam hewl da ku xwepêşandanên Pêncşemê bi hêzê belav bikin, û fîşek berdan ji bo tirsandina xwepêşanderan, wî got, hinek ji wan birîndar kirin, di nav de zarokên ku di xwepêşandanê de beşdar bûn.

Wî got ku xwepêşandanek roja Sêşemê bi heman awayî hat belavkirin.