Ewlehî |
2017-12-06

Iraq amadekariya destpêkirina nûavakirina rojavayê Mûsilê dike

  • * MALIKÊN PÊWIST HÎMA BIKE


Karkerekî şaredariya Mûsilê bermahiyan ji kolanên Bajarê Kevin ê rojavayê Mûsilê radike. [Wêne ji rûpela Facebookê ya Rêveberiya Şaredariya Mûsilê hatiye wergirtin]
Karkerekî şaredariya Mûsilê bermahiyan ji kolanên Bajarê Kevin ê rojavayê Mûsilê radike. [Wêne ji rûpela Facebookê ya Rêveberiya Şaredariya Mûsilê hatiye wergirtin]

Hikûmeta Iraqî kar dike li ser destpêkirina xebatên nûavakirinê li Bajarê Kevin ê li rojavayê Mûsilê, ku şandeyeke hikûmetê roja Sêşemê (5ê Mijdarê) gihişte wir ji bo lêkolînan bike derbarê wêraniya ku ji encama şerê ligel "Dewleta Îslamî" peyda bûye.

Şande berpirsên ji sektorên cuda li xwe digre weke şaredariyan, avê û plandana medenî, endamê komîteya xizmetguzariyan a encumena parêzgeha Nînewa, Husamedîn Ebar, got.

Ew hatin "ji bo lêkolînan bikin derbarê wêraniya li taxên Bajarê Kevin, ji bo amadekirina pêdaçûnên ku asta ziyanê dinirxînin û planên guncan ligel dîdgehên ji bo nûavakirinê deynin", wî ji Diyaruna re got.

Dever di şer de hat jinavbirin, wî got, anî ziman jî ku mal, jêrxane û monumentên dîrokî hemû hatin wêrankirin.

Texmînên destpêkî ji hikûmeta xwecihî ya Nînewa dibêjin ku xerciyên nûavakirinê digihin yek trilyon dînarên Iraqî ($800 milyon), wî got.

"Qebareyeke mezin e, û parêzgeh dikare heta deheka vê qebareyê peyda bike," wî got jî.

Operasyonên nûavakirinê li Mûsilê û bajarên din li parêzgehê nagihin asta pêwîst ji ber kêmbûna fînansekirin û piştgiriyê, wî got.

"Xizmetguzariyên giştî di rewşeke xirab de ne û gelek niştecî ku mal û milkên xwe ji dest dane îro pêwîstiya wan a bilez bi alîkarî û qerebûkirinê heye," Ebar got.

Parlemanê Iraqî 26ê Kanûna Duyem deng da ji bo ragihandina deverên li parêzgeha Nînewa weke zonên karesatê ji ber tawanên ku DAIŞ pêk anîn di dema kontrolkirina wê ji parêzgehê re.

"Biryareke wisa dê gavên hikûmetê di nûavakirina van deveran de bilez bike ligel terxankirina pereyên lazim ji wan re," daxuyaniyeke parleman got.

Di 12ê Îlonê de, parleman Bajarê Kevin ê rojavayê Mûsilê weke zoneke karesatê ragihand, wisa berêtî da deverê ji bo sûdwergirtin ji programên nûavakirinê yên hikûmetê.

Ebar hêviya xwe anî ziman ku serdana şandeya hikûmetê ji bo Bajarê Kevin dê xaleke destpêkê be ji bo nûavakirinê û ji bo bidawîkirina zehmetkêşana xelkê ku niha li kampên awarebûnê di şertûmercên gelekî zehmet de dijîn.

Yek ji şerên herî dijwar ligel DAIŞ li Bajarê Kevin çêbû berî ku hêzên Iraqî wan bişkînin û rizgarkirina tam a bajarê Mûsilê di 10ê Tîrmehê de rabigihînin.

Tu vê mijarê diecibînî?

Di icons no 0
* MALIKÊN PÊWIST HÎMA BIKE
Captcha