Rêveberiya Ewqafên Sunnî ya Nînewayê roja Înê (16ê Hezîranê) ragihand ku ew pîrozkirina Leylet el-Qedir li Mûsilê û seranserî parêzgehê betal kir.

Misilman "Şeva Hêzê" weke pîroztirîn şev di salê de hesab dikin, ji ber ku ew bûyera daketina Quranê li ser Pêxember Muhemed nîşan dide.

Biryara sekinandina pîrozbahiyan tedbîreke parastinê ye ji bo rênedan ji "Dewleta Islamî" (DAIŞ) re ku merasîman bike armanc, rêveberiyê got.

Rêveberiyê "biryar da ku tu mizgeft li Mûsilê û parêzgehê bi giştî ji bo pîrozkirinên olî û nimêjên "Leylet el-Qedir" venekin", Şêx Muhemed Şemaa, îmam û xetîbê mizgefta Nebî Yûnis, got.

"Mizgeft tenê ji bo pênc nimêjên rojane û nimêja Înê dê werin vekirin" wî ji Diyaruna re got.

Biryar piştî şêwiriyê ligel berpirsên ewlekariya Mûsilê derbarê vekirina cihên nimêjê ji bo merasîmên olî ku Rêveberiya Ewqafên Sunnî her sal pêk tanîn pêşiya ku DAIŞ Mûsilê di Hezîrana 2014an de bigre.

"Tedbîr ji bo sedemên ewlekarî pêk hat," Şemaa got, bal kişand jî ku tu "gefên terorî yên piştraskirî" tune ne.

Biryar ji bo parastina sivîlan û xwedûrxistin ji her egereke binpêkirina ewlehiyê ku dibe xweşiya xelkê bi rizgarbûna deverên wan û pîrozkirina Remezanê ji bo cara yekemîn piştî derxistina DAIŞ pûç be, wî got.

"Em naxwazin ku şansekê bidin DAIŞ ku gefê li ewlehî û aramiya rizgarkirina taxên Mûsilê û bajarên din li parêzgehê bike," wî anî ziman jî.

"Tedbîra parastinê dê ligel bidawîhatina Remezanê bidawî be, û heta Cejina Fitir dirêj nake," wî got.

Misilman deh rojên Remezanê yên dawî bi nimêj û duayan derbas dikin, bi taybetî Leylet el-Qedir.