هه‌واڵه‌كانی عێراق

3 گوند له‌ ته‌قه‌مه‌نی پاككرانه‌وه‌ له‌ خۆرئاوای ئه‌نبار

پۆلیسی عێراق له‌ پارێزگای ئه‌نبار پێنجشه‌ممه‌ (17 تشرینی یه‌كه‌م) رایگه‌یاند كه‌ سێ گوندیان له‌ خۆرئاوای قائیم له‌سه‌ر رووباری فورات پاككردۆته‌وه‌ له‌ ته‌قه‌مه‌نی و مینی چێنراو كه‌ له‌لایه‌ن "ده‌وڵه‌تی ئیسلامی" (داعش)ه‌وه‌ چێنرابوون.

به‌ڕێوبه‌ری پۆلیسی ئه‌نبار، لیوا هادی كه‌سار رزه‌یج به‌ دیارونای وت هێزه‌ ئه‌منییه‌ هاوبه‌شه‌كان، به‌ به‌شداری پۆلیسی ئه‌نبار، هێزه‌كانی پارێزگاریی شارستانی و یه‌كه‌ ئه‌ندازیارییه‌ تایبه‌ته‌كانی سوپای عێراق، سێ گوندیان به‌ فراوانی زیاتر له‌ 30 كیلۆمه‌تر پاككرده‌وه‌.

ناوبراو وتی: "زیاتر له‌ چوار ته‌ن ته‌قه‌مه‌نی، مینی چێنراو، موشه‌ك، تی‌ ئێن‌ تی و ته‌قه‌مه‌نیی سی فۆڕ، نیتراتی ئامۆنیۆم و چه‌ندین هاوه‌ن لابران."

وتیشی گونده‌كان ئێستا له‌ڕووی ئه‌منیه‌ته‌وه‌ ئاماده‌ن بۆ له‌خۆگرتنه‌وه‌ی دانیشتوانه‌كانیان. ئاماژه‌شی كرد به‌وه‌ی تیمه‌كانی خزمه‌تگوزاری به‌منزیكانه‌ خزمه‌تگوزارییه‌كانی ئاو و كاره‌با و په‌یوه‌ندییه‌كان دابینده‌كه‌ن.

ئەم بابەتەت بەدڵە؟

0 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 / 1500