هه‌واڵه‌كانی عێراق

چاودێرێك: ته‌قینه‌وه‌یه‌ك 3 كارمه‌ندی نه‌وت ده‌كوژێت له‌ خۆرهه‌ڵاتی سوریا

ته‌قینه‌وه‌یه‌ك سێشه‌ممه‌ (1 تشرینی یه‌كه‌م) له‌ نزیك كێڵگه‌یه‌كی نه‌وت له‌ خۆرهه‌ڵاتی سوریا هێزه‌كانی سوریای دیموكراتی كرده‌ ئامانج به‌ڵام سێ كارمه‌ند بوونه‌ قوربانی، ئاژانسی فرانس پرێس رایگه‌یاند.

رێكخراوی روانگه‌ی سوری بۆ مافه‌كانی مرۆڤ رایگه‌یاند كه‌ ته‌قینه‌وه‌یه‌ك له‌ڕێی ده‌ره‌وه‌ی كێڵگه‌ی نه‌وتی عومه‌ر روویدا، كه‌ گه‌وره‌ترین كێڵگه‌یه‌ له‌ وڵاته‌كه‌دا له‌ پارێزگای دێره‌ زوور.

رێگای عومه‌ر له‌ژێر كۆنترۆڵی هێزه‌كانی سوریای دیموكراتدایه‌ كه‌ شه‌ڕ له‌ دژی "ده‌وڵه‌تی ئیسلامی" (داعش) ده‌كه‌ن.

به‌شێك له‌ كێڵگه‌ی نه‌وته‌كه‌ وه‌كو بنكه‌یه‌كی هێزه‌كانی سوریای دیموكرات به‌كارده‌هێنرێت، له‌كاتێكدا كارمه‌نده‌كانی له‌ شوێنێكی تر كاره‌كانی خۆیان ده‌كرد.

سه‌رۆكی رێكخراوه‌كه‌، رامی عه‌بدولڕه‌حمان رایگه‌یاند كه‌ ته‌قینه‌وه‌كه‌ی سێشه‌ممه‌ نزیك رێگاكه‌ی كرده‌ ئامانج "له‌كاتێكدا بارهه‌ڵگرێك كارمه‌ندانی كێڵگه‌كه‌ی ده‌گواسته‌وه‌، بووه‌ هۆی كوشتنی سێ كارمه‌ند".

وتی: "ته‌قینه‌وه‌كه‌ له‌ دوورییه‌كه‌وه‌ ته‌قێنرایه‌وه‌ رێك دوای ئه‌وه‌ی ده‌ورییه‌یه‌كی هێزه‌كانی سوریای دیموكرات تێپه‌ڕی."

هیچ لایه‌نێك ده‌ستبه‌جێ به‌رپرسیارێتی ئه‌نجامدانی ته‌قینه‌وه‌كه‌ی له‌ئه‌ستۆنه‌گرت، به‌ڵام داعش زۆربه‌ی جار رایده‌گه‌یێنێت كه‌ به‌رپرسیاره‌ له‌ ئه‌نجامدانی هێرشه‌ خوێناوییه‌كانی ناوچه‌كه‌.

هێزه‌كانی سوریای دیموكرات داعشیان له‌ دواهه‌مین مۆڵگه‌یان وه‌ده‌رنا له‌ گوندێكی باشوری باغۆز له‌ عومه‌ر له‌ ئازاردا، به‌ڵام به‌رده‌وامن له‌ راوه‌دوونانی شانه‌ نوستووه‌كانی توندڕه‌وه‌كان.

ئەم بابەتەت بەدڵە؟

0 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 / 1500