هه‌واڵه‌كانی عێراق

شانه‌یه‌كی داعش هه‌وڵوه‌شێنرایه‌وه‌ له‌ سه‌ڵاحه‌دین

هێزه‌كانی عێراق شانه‌یه‌كی "ده‌وڵه‌تی ئیسلامی" (داعش)یان هه‌ڵوه‌شانده‌وه‌ كه‌ له‌ پارێزگای سه‌ڵاحه‌دین چالاكییان ئه‌نجامده‌دا، وه‌زاره‌تی به‌رگری عێراق پێنجشه‌ممه‌ (9 نیسان) رایگه‌یاند.

وه‌زاره‌ته‌كه‌ له‌ به‌یاننامه‌یه‌كدا رایگه‌یاند: "یه‌كه‌كانی به‌ڕێوبه‌رێتی هه‌واڵگری سوپا هه‌ڵیانكوتایه‌ سه‌ر شانه‌یه‌كی تیرۆریستی و هه‌ڵیانوه‌شانده‌وه‌، كه‌ له‌ پارێزگای سه‌ڵاحه‌دین چالاكی ئه‌نجامده‌دا و چه‌ك و كه‌ره‌سته‌ی ته‌قه‌مه‌نی و ته‌قه‌مه‌نیی بۆ گروپه‌ تیرۆریستییه‌كان ده‌سته‌به‌رده‌كرد."

وه‌زاره‌ته‌كه‌ رایگه‌یاند: "هێزه‌ ئه‌منییه‌كان كه‌سی یه‌كه‌می شانه‌كه‌یان ده‌ستگیركرد." راشیگه‌یاند كه‌ له‌ شوێنه‌كه‌ی ده‌ستیانگرت به‌سه‌ر چه‌ندین كلاشینكۆف و كه‌ره‌سته‌ی ته‌قه‌مه‌نی، ژماره‌یه‌ك مۆبایل، ئۆتۆمبیلێكی ده‌بڵئه‌كسل، چه‌ندین تابلۆی ئۆتۆمبیل و ناسنامه‌ی ساخته‌دا.

به‌گوێره‌ی به‌یاننامه‌كه‌: "هه‌ر 11 ئه‌ندامی شانه‌كه‌ ده‌ستگیركران."

ئەم بابەتەت بەدڵە؟

0 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 / 1500