http://diyaruna.com/ckb/articles/cnmi_di/newsbriefs/2019/05/08/newsbrief-02

نه‌ته‌وه‌ یه‌كگرتووه‌كان: زیاتر له‌ 150,000 كه‌س له‌ هه‌فته‌یه‌كدا ئاواره‌بوون له‌ باكوری خۆرئاوای سوریا

نه‌ته‌وه‌ یه‌كگرتووه‌كان (7 ئایار) رایه‌گه‌یاند كه‌ تووندوتیژی له‌ ناوچه‌ی ئیدلیبی سوریا زیاتر له‌ 150,000 كه‌سی ئاواره‌كردووه‌ له‌ ماوه‌ی هه‌فته‌ی رابردوودا، له‌كاتێكدا رژێمی سوریا و روسیا به‌رده‌وامن له‌ بۆردومانكردنی ناوچه‌كه‌، ئاژانسی فرانس پرێس رایگیاند.

نه‌ته‌وه‌ یه‌كگرتووه‌كان رایگه‌یاند كه‌ په‌ره‌سه‌ندنی هێرشی ئاسمانی و تۆبپارانكردنی ناوچه‌كه‌، كه‌ زۆربه‌ی له‌لایه‌ن ته‌حریر شامه‌وه‌ كۆنترۆڵكراوه‌، 12 نه‌خۆشخانه‌ و 10 قوتابخانه‌یان له‌كارخست.

روانگه‌ی سوری بۆ مافه‌كانی مرۆڤ رایگه‌یاند كه‌ سێشه‌ممه‌ هێرشه‌ ئاسمانی و تۆپبارانه‌كان 13 مه‌ده‌نییان كوشت له‌ به‌رده‌وامیی هه‌شته‌مین رۆژی بۆردومانكردندا.

وته‌بێژێكی نوسینگه‌ی نه‌ته‌وه‌ یه‌كگرتووه‌كان بۆ كاروباری مرۆیی، ده‌یڤد سوانسن وتی: "ئێمه‌ نیگه‌رانین به‌رامبه‌ر راپۆرته‌ به‌رده‌وامه‌كان ده‌رباره‌ی هێرشه‌ ئاسمانییه‌كانی سه‌ر ناوه‌نده‌ گشتییه‌كان و موڵكی مه‌ده‌نییه‌كان."

ناوبراو وتی: "ته‌نها له‌ هه‌فته‌ی رابردوودا زیاتر له‌ 152,000 ژن و منداڵ و پیاو له‌ پارێزگاكانی حه‌له‌ب و ئیدلیب ئاواره‌بوون."

تووندی هێرشه‌كان ترسێكی نوێی دروستكردووه‌ كه‌ هێرشێكی نوێی رژێم ره‌نگه‌ رووبدات، ئه‌مه‌ش وایكردووه‌ هه‌زاران كه‌س له‌ ماڵه‌كانیان بچنه‌ده‌ره‌وه‌ و ناوچه‌كه‌ به‌جێبهێڵن.

پیاوێكی ته‌مه‌ن 40 ساڵی خه‌ڵكی باشوری ئیدلیب كه‌ سێشه‌ممه‌ له‌گه‌ڵ خێزانه‌كه‌یدا به‌ره‌و ناوچه‌كانی نزیك سنووری توركیا ده‌ڕۆیشتن، ئه‌بو ئه‌حمه‌د، وتی: "ئه‌مه‌ سێیه‌مین جاره‌ ئێمه‌ ئاواره‌ده‌بین به‌ڵام ئه‌م جاره‌یان ترسناكترینیانه‌."

ناوبراو وتی: "سوڕانه‌وه‌ی فڕۆكه‌كان به‌ ئاسماندا و تۆپبارانكردنه‌كه‌ دڵڕه‌قانه‌بوون."

له‌ڕێگای تویته‌ره‌وه‌ په‌یوه‌ندی بكه‌ لەڕێگەی فەیسبووکەوە پەیوەندی بکە
ئەم بابەتەت بەدڵە؟
0
0

0 كۆمێنت

رێوشوێنەکانی کۆمێنت نوسین Captcha