http://diyaruna.com/ckb/articles/cnmi_di/newsbriefs/2019/03/15/newsbrief-03

هەسەدە پێگەکانی پتەودەکات بە بچوکبوونەوەی پێگەی داعش

هێزەکانی سوریای دیموکرات (هەسەدە) پێگەکانی خۆیان پتەوکرد لە دوایین ناوچەی ژێردەستی رێکخراوی "دەوڵەتی ئیسلامی" (داعش)دا رۆژی هەینی (15 ئازار)، ئاژانسی فرانس پرێس رایگەیاند.

هەسەدە رایگەیاند كه‌ "1,300 تیرۆریست و خێزانەکانیان" تەنیا رۆژی پێنجشەممە خۆیان رادەستکرد كاتێك چه‌كدارانی هه‌سه‌ده‌ پێشڕەوییان خاوكرده‌وه‌ تا رێگەیان پێبدەن ناوچەکە بەجێبهێڵن.

هەسەدە رایگەیاند كه‌ چەکدارەکانی پێگەکانی خۆیان پتەوترکرد دوای دژە هێرشی داعش و هێرشی خۆکوژیی شکستپێهێنراو.

وتەبێژی هەسەدە، جیاکار ئەحمەد وتی هێزەکە "سوپاکەی خۆی پتەوکرد و کۆکردەوە".

ئه‌حمه‌د لە گوندی هاوسێی سوسەوه‌ وتی: "هێشتا ژن و منداڵ ماون کە دەیانەوێت خۆیان رادەستبکەن، بۆیە ناچارین ئۆپەراسیۆنەکان خاوبکەینەوە."

وتیشی: "مەترسی دووبارە خاوبوونەوەی ئۆپەراسیۆن هەیە تا رێبدرێت بە هاتنه‌ده‌ره‌وه‌ی زیاتری توندڕەوان و خێزانەکانیان."

ئه‌حمه‌د نەیتوانی خەمڵاندنێك بدات دەربارەی ژمارەی ئەو کەسانەی لەنێو باغوزدا ماونه‌ته‌وه‌.

وتی: "ئەوانەی ماون زۆر بەتوندی بەو ئایدۆلۆژیا (توندڕەو)ه‌وه‌ پابه‌ندن. خۆکوژی زۆری لێن بەڵام خێزان و منداڵەکانیشیان لەگەڵە."

بەگوێرەی هەسەدە، لەوکاتەوەی هێرشە چەند مانگەکەی هەسەدە لە 10 ئازار دەستیپێکردەوە، زیاد لە 3,000 ئەندامی گومانلێکراوی داعش خۆیان رادەستکردووە.

ئەم بابەتەت بەدڵە؟
0
0
Di icons no

0 كۆمێنت

رێوشوێنەکانی کۆمێنت نوسین Captcha