http://diyaruna.com/ckb/articles/cnmi_di/newsbriefs/2018/11/05/newsbrief-02

×
×

ته‌قینه‌وه‌كان له‌ به‌غدا 6 كه‌س ده‌كوژن

چه‌ند ته‌قینه‌وه‌یه‌ك له‌ كۆمه‌ڵێك گه‌ڕه‌كه‌كانی پایته‌ختی عێراق یه‌كشه‌ممه‌ (4 تشرینی دووه‌م) شه‌ش كه‌سیان كوشت، كه‌ زۆربه‌یان مه‌ده‌نین و چه‌ندین كه‌سی دیكه‌شیان برینداركرد، پۆلیس و سه‌رچاوه‌ پزیشكییه‌كان رایانگه‌یاند.

سه‌رچاوه‌كه‌ به‌ ئاژانسی فرانس پرێسی وت له‌ ناوچه‌ی چوارڕیانی عه‌ده‌نی باكوری به‌غدا، دوو مه‌ده‌نی كوژران و شه‌ش كه‌سی دیكه‌ش برینداربوون له‌ ته‌قینه‌وه‌یه‌كدا له‌ نزیك وێستگه‌یه‌كی پاس.

بۆمبێك له‌ نزیك گه‌ڕه‌كی تارمییه‌ بنكه‌یه‌كی سه‌ربازیی كرده‌ ئامانج و بووه‌ هۆی كوشتنی سه‌ربازێك و برینداركردنی دوو سه‌ربازی دیكه‌.

به‌گوێره‌ی ئه‌فسه‌رێكی پۆلیس و سه‌رچاوه‌ پزیشكییه‌كان كارمه‌ندێكی حكومه‌ت كوژرا له‌ ناوچه‌ی سه‌حه‌ی باشوری خۆرئاوا كاتێك ئه‌و ته‌قه‌مه‌نییه‌ی به‌ژێر ئۆتۆمبیله‌كه‌یه‌وه‌ لكێنرابوو ته‌قییه‌وه‌.

له‌ ناوچه‌ی خۆرهه‌ڵاتی شاری سه‌در، دوو كه‌س كوژران و چواری دیكه‌ش برینداربوون له‌ دوو ته‌قینه‌وه‌دا له‌و گه‌ڕه‌كه‌ شیعه‌نشینه‌.

دوو بۆمبی دیكه‌ش كه‌ به‌ پاسه‌وه‌ لكێنرابوون ته‌قینه‌وه‌ له‌ به‌شه‌كانی دیكه‌ی باكوری خۆرهه‌ڵاتی به‌غدا و بووبه‌ هۆی برینداربوونی شه‌ش كه‌س.

هیچ لایه‌نێك ده‌ستبه‌جێ به‌رپرسیارێتی ته‌قینه‌وه‌كانی له‌ئه‌ستۆنه‌گرت.

له‌ڕێگای تویته‌ره‌وه‌ په‌یوه‌ندی بكه‌ لەڕێگەی فەیسبووکەوە پەیوەندی بکە
ئەم بابەتەت بەدڵە؟
1
0

0 كۆمێنت

رێوشوێنەکانی کۆمێنت نوسین Captcha