هه‌واڵه‌كانی عێراق

ژنێكی رفێندراوی ئێزیدی و منداڵه‌كانی ئازادكران له‌ ده‌ستی داعش له‌ سوریا

ژنێكی ئێزیدی و چوار منداڵه‌كه‌ی له‌ سوریا ئازادكران كه‌ له‌لایه‌ن "ده‌وڵه‌تی ئیسلامی" (داعش)ه‌وه‌ رفێندراوبوون له‌ 2014، به‌رپرسی نوسینگه‌ی كاروباری ئێزیدییه‌ رفێنراوه‌كان له‌ دهۆك دووشه‌ممه‌ (13 ئاب) وتی.

حسێن قه‌یدی له‌ به‌یاننامه‌یه‌كدا وتی: "پێنج ئێزیدی عێراقی خه‌ڵكی شنگال كه‌ داعش 3 ئابی 2014 رفاندبوونی، ئازادكران و ئێستا به‌ڕێوه‌ن به‌ره‌و عێراق."

ناوبراو وتی: "رفێندراوه‌ ئازادكراوه‌كان بریتین له‌ غه‌زال عه‌لی و منداڵاكانی: حه‌بیب حسێن خدر، عه‌لی حسێن خدر، سامی حسێن خدر و دالیا حسێن خدر."

وتیشی: "ئه‌وان له‌ خاكی سوریادا ئازادكران دوای چه‌ندین هه‌وڵی جۆراوجۆر كه‌ له‌ داهاتوودا ورده‌كارییه‌كانیان ئاشكراده‌كرێن."

ئەم بابەتەت بەدڵە؟

0 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 / 1500