http://diyaruna.com/ckb/articles/cnmi_di/newsbriefs/2018/08/14/newsbrief-01

2018-08-14

منداڵێك و 2 كه‌سی تر له‌ ته‌قینه‌وه‌یه‌كدا كوژران له‌ به‌غدا

سێشه‌ممه‌ (14 ئاب) سێ كه‌س له‌ ته‌قینه‌وه‌یه‌كدا كوژران له‌ بازاڕێك له‌ به‌غدا، له‌نێویاندا ژن و منداڵێك، به‌گوێره‌ی سه‌رچاوه‌یه‌كی ئه‌منی.

ته‌قینه‌وه‌كه‌ له‌ شاری سه‌در روویدا، كه‌ شارۆچكه‌یه‌كی به‌رفراونه‌ و به‌رپرسان ماوه‌ماوه‌ هه‌ڵمه‌تی گه‌ڕانوپشكنین ئه‌نجامده‌ده‌ن له‌ نزیك بازاڕه‌ گه‌وره‌كه‌وه‌ بۆ ده‌ستبه‌سه‌رداگرتنی چه‌كی نایاسایی، ئاژانسی فرانس پرێس رایگه‌یاند.

فه‌رمانده‌ی ئۆپه‌راسیۆنه‌كانی به‌غدا له‌ به‌یاننامه‌یه‌كدا رایگه‌یاند: "سێ كه‌س كوژران و چواری دیكه‌ش برینداربوون له‌ ته‌قینه‌وه‌یه‌كدا له‌ بازاڕێكی سه‌رداخراودا له‌ نزیك بازاڕی مرێدی له‌ شاری سه‌در."

به‌رپرسان ورده‌كارییان ده‌رباره‌ی هۆكاری روودانی ته‌قینه‌وه‌كه‌ نه‌دا و رایانگه‌یاند كه‌ لێكۆڵینه‌وه‌ له‌ رووداوه‌كه‌ ده‌ستپێده‌كات.

له‌ حوزه‌یراندا، لانیكه‌م 16 كه‌س كوژران و 30 كه‌سی دیكه‌ش برینداربوون به‌ هۆی ته‌قینه‌وه‌یه‌كه‌وه‌ له‌ ماڵێكدا له‌و ناوچه‌یه‌ی كه‌ چه‌كی لێهه‌ڵگیرابوو.

ئەم بابەتەت بەدڵە؟

0 Di icons no

0 كۆمێنت

* واتە ئەم خانەیە پێویستە
Captcha