شانەیەکی رێکخراوی "دەوڵەتی ئیسلامی" (داعش) کە لە هێرشی تیرۆرستیدا لە کەرکوك تێوەگلاوە، هەڵوەشایەوە، فەرماندەیی ئۆپەراسیۆنە هاوبەشەکانی عێراق هەینی (3 ئاب) رایگەیاند.
وتەبیژی فەرماندەییەکە، عەمید یەحیا رەسوڵ، بە دیارونای وت: "هێزەکانی عێراق تۆڕێکی شەش ئەندامیی داعشیان هەڵوەشانده‌وه کە لەلایەن ناسر ئەبو هاجەرەوه سەرپەرشتی دەکرا کە تیرۆرستێکی بەناوبانگ و داواکراوە."
وتی: "تۆڕەکە لە ئۆپەراسیۆنی تیرۆرستی جۆراوجۆره‌وه تێوەگلابوو، لەنێویاندا دانانی بۆمب و تیرۆرکردن و پلانیشیان دانابوو بۆ هێرشی تیرۆرستیی تر."
وتیشی ئۆپەراسیۆنەکە بۆ ده‌ستگیركردنی ئەندامانی تۆڕەکە لە سێ شوێنی جیاواز ئەنجامدرا و ئاماژەشی دا بەوەی هێزەکانی عێراق ده‌ستیانگرت بەسەر چەك و تەقەمەنیشدا.
