هه‌واڵه‌كانی عێراق

پۆلیسی نه‌ینه‌وا 23 چه‌كداری داعش ده‌ستگیرده‌كات

هێزه‌كانی عێراق 23 چه‌كداری "ده‌وڵه‌تی ئیسلامی" (داعش)یان ده‌ستگیركرد له‌ پارێزگای نه‌ینه‌وا له‌ دوو رۆژی رابردوودا، وه‌زیری ناوخۆ سێشه‌ممه‌ (24 ته‌ممووز) رایگه‌یاند.

وته‌بێژی وه‌زاره‌ت، عه‌مید سه‌عد مه‌عه‌ن، له‌ به‌یانامه‌یه‌كدا رایگه‌یاند:"فه‌رمانده‌یی پۆلیسی نه‌ینه‌وا ئۆپه‌راسیۆنێك ئه‌نجامده‌دات بۆ ده‌ستبه‌سه‌ركردنی داواكراوان و تا ئێستا نزیكه‌ی 23 چه‌كداری داعشیان ده‌ستگیركردووه‌ كه‌ داواكراوبوون به‌پێی ماده‌ی 4ی یاسای دژه‌تیرۆر."

ناوبراو وتی یه‌كێك له‌ ده‌ستگیركراوه‌كان چه‌كدارێكی داعشی به‌رپرسیاره‌ له‌ كۆكردنه‌وه‌ی زه‌كات له‌ باشوری موسڵ و یه‌كێكی تریان به‌پرسیاره‌ له‌ "موڵكوماڵه‌كانی ده‌وڵه‌ت"ی گروپه‌كه‌ و سێیه‌میشیان له‌ "نووسینگه‌ی شه‌ریعه‌"دا خزمه‌تی كردووه‌.

وتی له‌ نێو ده‌ستگیركراوه‌كانیشدا چه‌كدارانی داعش هه‌بوون، له‌گه‌ڵ ئه‌و ئه‌ندامانه‌ش كه‌ له‌گه‌ڵ "حیسبه‌" (پۆلیسی ئایینی) گروپه‌كه‌ كاریانكردبوو ئه‌وكاته‌ی موسڵ له‌ژێرده‌ستی گرووپه‌كه‌دا بوو.

مه‌عه‌ن وتیشی: "ئه‌وانه‌ له‌ چه‌ندین ناوچه‌ی موسڵ و ناوچه‌كانی ده‌وروبه‌ری [پارێزگاكه‌] ده‌ستگیركران."

ئەم بابەتەت بەدڵە؟

0 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 / 1500