هێزەکانی عێراق ئۆپەراسیۆنێکی گەورەیان دەستپێکرد لە پارێزگای نەینەوا کە بیابانی موسڵ دەگرێتەوە، بۆ گەڕان بەدوای حەشارگەکانی رێکخراوی "دەوڵەتی ئیسلامی" (داعش)دا، فەرماندەیی ئۆپەراسیۆنەکانی نەینەوا پێنجشەممە (28 حوزەیران) رایگەیاند.
هێزەکانی سوپای عێراق و پۆلیس و هێزە پاڵپشتیکەرەکان بە پشتیوانیی هێزی ئاسمانی عێراق بەشداریده‌كه‌ن له ئۆپەراسیۆنەکەدا، فەرماندە نەجمەدین کەریم جبوری بە دیارونای وت.
وتیشی گه‌ڕان و پشکنین ئەنجامدەدەن و زیاتر لە 54,000 کیلۆمەتر چوارگۆشە لە ناوچەی بیابان و زەوی کشتوکاڵی لە پاشماوەکانی داعش پاکدەکەنەوە.
هەروەها وتی: "ئێمە شانە ماوەکانی داعش و تونێلە ژێرزەمینیەکانیان تێكده‌ده‌ین بۆ رێگرتن لەهەر هەلێك بۆ خۆڕێکخستنەوە و دروستكردنی هەر مەترسییەك بۆسەر شارە ئازادکراوەکانمان."
