هه‌واڵه‌كانی عێراق

هێزه‌كانی عێراق به‌دوای پاشماوه‌كانی داعشدا ده‌گه‌ڕێن له‌ دیاله‌

ئۆپه‌راسیۆنێكی فراوانی سه‌ربازی كه‌ پاشماوه‌كانی "ده‌وڵه‌تی ئیسلامی" (داعش) ده‌كاته‌ئامانج ئێستا له‌ باكوری خۆرئاوای باقوبه‌ به‌رده‌وامه‌، فه‌رمانده‌ی ئۆپه‌راسیۆنه‌كانی دیاله‌، فه‌ریق مه‌زهه‌ر عه‌زاوی چوارشه‌ممه‌ (30 ئایار) رایگه‌یاند.

عه‌زاوی وتی: "هێزه‌كانی عێراق له‌ به‌ره‌به‌یانی چوارشه‌ممه‌دا ئۆپه‌راسیۆنێكی فراوانیان ئه‌نجامدا كه‌ زیاتر له‌ 80 كیلۆمه‌تر ده‌گرێته‌وه‌ بۆ له‌ناوبردنی پاشماوه‌ و شانه‌كانی داعش."

وتیشی ئۆپه‌راسیۆنه‌كه‌ له‌ ناوچه‌كانی نێوان هه‌بهه‌ب خالس، حه‌وزه هاشمیات و حه‌وزه حه‌دید و له‌ باشوریشه‌وه‌ به‌ ئاراسته‌ی زنجیره‌ چیاكانی حه‌مرین ئه‌نجامدرا.

هه‌روه‌ها وتی: "فڕۆكه‌كانی هێزی ئاسمانیی عێراق به‌شدارن له‌ ئۆپه‌راسیۆنه‌كه‌دا به‌ پێدانی پشتیوانیی ئاسمانی به‌ هێزه‌كان له‌سه‌ر زه‌وی."

ناوبراو وتی مه‌به‌ستی ئۆپه‌راسیۆنه‌كه‌ دۆزینه‌وه‌ و له‌ناوبردنی چه‌كداره‌ پاشماوه‌كانی داعش و ده‌ستبه‌سه‌رداگرتنی چه‌ك و ته‌قه‌مه‌نییه‌ له‌و ناوچه‌یه‌دا.

ئەم بابەتەت بەدڵە؟

0 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 / 1500