http://diyaruna.com/ckb/articles/cnmi_di/newsbriefs/2018/05/04/newsbrief-03

2018-05-04

ئۆپۆزسیۆنی سوریا لە رێکەوتنێكی نوێدا چەك رادەستی ژێم دەکات

ئاژانسی فرانس پرێس وتی چەکدارانی ئۆپۆزسیۆنی سوریا هەینی (4 ئایار) چەکە قورسەکانیان رادەستکرد دوای ئەوەی گەیشتنە رێکەوتنێکی نوێ لەگەڵ رژێم لە چەند بەشێكی پارێزگاکانی حومس و حەمادا.

سەرەتای ئەم هەفەتەیە چەکدارانی ئۆپۆزسیۆن گەیشتنە ئاگربەستێك لەگەڵ رژێم و هاوپەیمانەکانی بۆ بەشێك لە ناوچەکانی حومس و حەما، كه‌ بریتیبوون له‌ شارۆچکه‌كانی تلبیسە و رەستان و حەولە.

روانگەی سوری بۆ مافەکانی مرۆڤ رایگه‌یاند: "دوو رۆژە چەکدارەکان چەکە قورس و مەترسیدارەکانیان رادەستی هێزه‌كانی روسیا و رژێم دەکەن."

سەرۆکی روانگەکە رامی عەبدولڕەحمان وتی له‌نێو چەکە قورسەکاندا تۆپ و دۆشکە هه‌ن.

عەبدولڕەحمان وتی دوای ئەوەی رادەستکردنەکە تەواودەبێت، ئەو چەکدارانەی ئۆپۆزسیۆن کە دەیانەوێت بڕۆن لەگەڵ مەدەنیەکاندا دەگوێزرێنەوە.

دەگوێزرێنەوە بۆ جەرابلوس لە پارێزگای حەلەب و پارێزگای ئیدلیبی هاوسێی.

رێکەوتنەکە گەڕانەوەی دەزگاکانی حکومەتیشی لەخۆگرتووە بۆ سێ شارۆچکەکە و کردنەوەی ئه‌و رێگا سه‌ره‌كییه‌ش كه‌ دیمەشق بە حومس و حەلەبەوە دەبەستێتەوە.

ئەم بابەتەت بەدڵە؟

0 Di icons no

0 كۆمێنت

* واتە ئەم خانەیە پێویستە
Captcha