هه‌واڵه‌كانی عێراق

9 تیرۆیستی گومانلێكراو ده‌ستگیركران له‌ ئه‌نبار

نۆ داواكراوی گومانلێكراو به‌ تێرۆریزم ده‌ستگیركران له‌ چه‌ند كاتژمێری رابردوودا له‌ چه‌ند ناوچه‌یه‌كی پارێزگای ئه‌نبار، فه‌رمانده‌یی ئۆپه‌راسیۆنه‌كانی ئه‌نبار دووشه‌ممه‌ (5 ئازار) رایگه‌یاند.

فه‌رمانده‌ لیوا مه‌حمود فه‌لاحی به‌ دیارونای وت: "هێزه‌ هاوبه‌شه‌كانی پۆلیس و سوپا نۆ گومانلێكراوی تێرۆریزمی عێراقییان ده‌ستگیركرد كه‌ فه‌رمانی ده‌سگیركردنیان بۆ ده‌رچووبوو به‌هۆی تاوانباركردنیان به‌ چه‌ندین كه‌یسی تیرۆریستی."

وتی زۆربه‌ی تۆمه‌تباركردنه‌كان به‌هۆی په‌یوه‌ندییانه‌وه‌ بووه‌ به‌ "ده‌وڵه‌تی ئیسلامی" (داعش)ه‌وه‌ و ئه‌نجامدانی چه‌ند تاوانێك كاتێك گروپه‌كه‌ چه‌ند شارێكی له‌ پارێزگه‌كه‌ داگیركرد.

وتیشی: "هێزه‌كان ده‌ستیانگرت به‌سه‌ر چه‌ندین چه‌ك و ته‌قه‌مه‌نیدا، له‌گه‌ڵ زانیاریی جۆراوجۆر كه‌ له‌سه‌ر ئه‌و سیدییانه‌ بوون به‌ ده‌ستگیركراوه‌كان گیران."

ئەم بابەتەت بەدڵە؟

0 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 / 1500