وه‌زیری كاروباری ده‌ره‌وه‌ی ئه‌مه‌ریكا، ریك تایله‌رسن چاویكه‌وت به دانوستانكارانی ئۆپۆزسیۆنی سوریا له ئه‌رده‌ن چوارشه‌ممه (14 شوبات) له كۆبوونه‌وه‌یه‌كی داخراودا، ئاژانسی فرانس پرێس رایگه‌یاند.
كۆبوونه‌وه‌كه دوای كۆنفرانسێكی ئاشتی هات كه له كانوونی دووه‌مدا له‌لایه‌ن روسیای هاوپه‌یمانی رژێمه‌وه سازكرا، كه گروپه ئۆپۆزسیۆن و كورده‌كان بایكۆتیان كردبوو.
كۆنفرانسه‌كه‌ی روسیا دوای نۆیه‌مین گه‌ڕی ئه‌و گفتوگۆیانه هات به سه‌رپه‌رشتی نه‌ته‌وه یه‌كگرتووه‌كان له ڤیه‌ننا، كه نه‌یانتوانی پێشه‌وه‌چوون به‌ده‌ستبهێنن بۆ كۆتاییهێنان به شه‌ڕی سوریا.
