Di badge ckb
Di banner ckb
2018-02-13

داعش له‌ ئیدلیب ده‌ركرا دوای 'خۆبه‌ده‌سته‌وه‌دان' به‌ ته‌حریر شام

  • * واتە ئەم خانەیە پێویستە

"ده‌وڵه‌تی ئیسلامی"(داعش) له‌ پارێزگای ئیدلیبی سوریا ده‌رپه‌ڕێندرا دوای ئه‌وه‌ی دواهه‌مین گروپی چه‌كداره‌ تووندڕه‌وه‌كان خۆیان ته‌سلیمی هاپه‌یمانێتیه‌ ركابه‌ره‌كه‌یان ته‌حریر شام و گروپه‌ ئۆپۆزسیۆنه‌كانی دیكه‌ كرد، سێشه‌ممه‌ (13 شوبات)، ئاژانسی فرانس پرێس رایگه‌یاند.

وتی 400 كه‌سێك له‌ چه‌كدارانی داعشیان، له‌نێویاندا كه‌سوكارانیان و برینداره‌كانیش، خۆیان به‌ده‌سته‌وه‌دا به‌ هاوپه‌یمانێتیه‌كی تووندڕه‌وی گروپه‌ ئۆپۆزسیۆنه‌كان، سێشه‌ممه‌، وته‌بێژێكی یه‌كینه‌یه‌كی جه‌یشی نه‌سر وتی، كه‌ به‌شداربوون له‌ ئۆپه‌راسیۆنه‌كه‌دا.

ئه‌بو ماجد حومسی وتی: "ئێمه‌ تۆپبارانمانكردن له‌ شارۆچكه‌ی خوه‌ین تا خۆیانبه‌ده‌سته‌وه‌دا."

حومسی وتی لێپێچینه‌وه‌ له‌ چه‌كداره‌كان كرا بۆ ئه‌وه‌ی بزانرێت ئاخۆ شانه‌ی نووستویان له‌ ناوچه‌كه‌ نه‌چاندووه‌ و دواتر ده‌خرێنه‌ژێر لێكۆڵینه‌وه‌ له‌ "دادگا تایبه‌ته‌كان"دا.

داعش به‌شێكی باكور و ناوه‌ڕاستی سوریای به‌ده‌سته‌وه‌بوو، له‌ نێویاندا چه‌ند به‌شێكی پارێزگاكانی حه‌ما، حومس و حه‌له‌ب و به‌شێكی ره‌ققه‌ هه‌بوون.

دوای زنجیرەیەک تێکشکان له‌ ساڵی رابردوودا، سەدان چه‌كداری داعش هەڵهاتن بۆ حەشارگه‌یه‌ك له‌ ناوچەکانی پارێزگاكانی ‌حه‌ما و ئیدلیب و حەلەب.

به‌گوێره‌ی روانگەی مافی مرۆڤی سوریا، ئێستا بە تەواوی بەدەرنراون لە هەرسێ شوێنەکە.

سه‌رۆكی روانگەكه‌، رامی عه‌بولڕەحمان، وتی هێزەکانی حوکمەتی سوریا هەفتەی رابردوو لە حەما وەدەریاننان به‌ره‌و پارێزگای ئیدلیب.

ئەم بابەتەت بەدڵە؟

Di icons no 0
Di banner ckb
* واتە ئەم خانەیە پێویستە
Captcha