دەستەی دەستپاکی عێراق پێنجشەممە (8 شوبات) رایگەیاند رێگەی گرتووە لە بەفیڕۆدانی نزیکەی 36 ملیار دینار (31 ملیۆن دۆلار) لە 2017 بە پێداچونەوە بە کڕین و بەکرێگرتنی موڵكوماڵهكانی وەزارەتی ئاوەدانکردنەوە و نیشتەجێبووندا.
دەستەکە لە بەیاننامەیەکدا رایگەیاند: "تیمە لێکۆڵرەوە مەیدانیەکان کە ئەرکی پشکنینی کڕین و بەکرێدانی موڵکهكانی سەر بە وەزارەتی ئاوەدانکردنەوە و نیشتەجێبوون و وهزارهتی شارەوانییان پێسپێردراوە، رێگەیان گرتووە لە بەفیڕۆچوونی نزیکەی 36 ملیار دینار لە 2017."
بەیاننامەکە راشیگەیاند تیمەکان ئەمەیان بەدەستهێناوە بە پێداچونەوە بە فایلەکانی 14,341 موڵكدا لە هەموو پارێزگاکان جگە لە بەغدا و هەرێمی کوردستان.
راشیگەیاند: "[ئەوان] چەندین پێشێلکارییان دۆزیەوە کە هێنده جددین تا بچنە خانەی تاوانی گەندەڵی دارایی و ئیدارییهوه کە 25 لەوانە رەوانەی نوسینگەی گشتی وردبینی کراون لە وەزارەتی شارەوانی."
ههروهها رایگەیاند كه 18 پێشێلکاری تریش رەوانەی نوسینگەی لێکۆڵینەوەی دەستەی دەستپاکی کراون.
بەیاننامەكه رایگەیاند: "پێنج لەو پێشێلکاریانە پێشتر رەوانەی دادگای لێکۆڵینەوەی دەستەکە کراون کە لێکۆڵینەوە لە کەیسهكانی پەیوەست بە دەستپاکی دەکات."
راشیگەیاند ئێستا 13 پێشێلکاری لەژێر لێکۆڵینەوەدان.