دوو کەس دەستبەجێ دەستگیرکران کاتێك هەوڵیاندا دوو کچ "بکڕن" لە رۆژئاوای بەغدا، وەزارەتی ناوخۆی عێراق پێنجشەممە (4 کانونی دووەم) رایگەیاند.
وتەبێژی وەزارەتەکە، عەمید سەعد مەعەن، بە دیارونای وت: "هێزە ئەمنیەکان کەمینێکیان دانا بۆ دوو پیاو لە ناوچەی تەوائیلی رۆژئاوای بەغدا کە هەوڵیاندا دوو کچ بکڕن کە تەمەنیان 20 و 15 ساڵان بوو بۆ بەکارهێنانیان لە بازرگانیکردن بە مرۆڤ و لەشفرۆشیدا."
وتیشی تۆمەتباران بۆ بنکەیەکی لێکۆڵینەوە بردران لەکاتێکدا دوو کچەکە لەژێر چاودێری جەستەیی و دەرونیدان.
مەعەن وتی هێزە ئەمنیەکانی عێراق دەستیانکردووە بە ئۆپەراسیۆنێك چەند رۆژێکی کەم لەمەوبەر بۆ دهستگیركردنی هەر کەسێك کە لە تاوانەکانی بازرگانیکردن بە مرۆڤهوه تێوەگلابێت.