هه‌واڵه‌كانی عێراق

هێزه‌كانی عێراق ناوچه‌كانی باشوری به‌غدا پاكده‌كه‌نه‌وه‌ له‌ پاشماوه‌كانی شه‌ڕی داعش

هێزه‌كانی عێراق چه‌ند ناوچه‌یه‌كی باشوری به‌غدای پایته‌ختیان له‌ پاشماوه‌كانی شه‌ڕی "ده‌وڵه‌تی ئیسلامی" (داعش) پاككرده‌وه‌، فه‌رمانده‌یی ئۆپه‌راسیۆنه‌كانی به‌غدا دووشه‌ممه‌ (18ی كانوونی یه‌كه‌م) رایگه‌یاند.

فه‌رمانده‌ییه‌كه‌ له‌ به‌یاننامه‌یه‌كدا رایگه‌یاند: "هێزه‌ هاوبه‌شه‌كان 50 كیلۆمه‌تریان له‌ ده‌وروبه‌ری باشوری به‌غدا پاككرده‌وه‌ له‌ پاشماوه‌كانی شه‌ڕ و بۆمبی نه‌ته‌قاوه‌ له‌ ناوچه‌ كشتوكاڵییه‌كان كه‌ له‌ لایه‌ن داعشه‌وه‌ به‌جێهێڵدرابوون."

به‌گوێره‌ی به‌یاننامه‌كه‌ 30 بۆمبی ده‌ستكرد، 220 سندوق ته‌قه‌مه‌نی، چه‌ندین جۆری هاوه‌ن و پاشماوه‌كانی دیكه‌ی شه‌ڕ دۆزرانه‌وه‌.

به‌یاننامه‌كه‌ راشیگه‌یاند كه‌ "هێزه‌كانی ئاسایش ئه‌م كه‌ره‌سانه‌یان به‌بێ روودانی هیچ زیانێك پوچه‌ڵكرده‌وه‌."

له‌ به‌یاننامه‌كه‌دا ئاماژه‌ بۆ ئه‌وه‌ش كراوه‌ كه‌ "كه‌مپه‌ینه‌كه‌ به‌شێكه‌ له‌ به‌رنامه‌ی پاككردنه‌وه‌ی ناوچه‌كان [له‌ عێراق] له‌ مین و ته‌قه‌مه‌نی و گێڕانه‌وه‌ی دانیشتوانه‌كانیان."

ئەم بابەتەت بەدڵە؟

0 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 / 1500