هێرشێکی ئاسمانی عێراق 10 چەکداری رێکخراوی "دەوڵەتی ئیسلامی" (داعش)ی کوشت لە ناوچەیهكی نێوان پارێزگاکانی دیالە و سەلاحەدین، فەرماندەیی ئۆپهراسیۆنهكانی دیجلەی وەزارەتی بەرگری هەینی (15 کانونی یەکەم) رایگەیاند.
فەرماندەی ئۆپەراسیۆنەکانی دیجلە، فەریق مەزهەر عەزاوی، بە دیارونای وت: "هێزی ئاسمانی عێراق پێگەیەکی داعشی تێكشکاند لە ناوچەی مەیتەی سنووری نێوان پارێزگاکانی دیالە و سەلاحەدین."
وتی بڕێکی زۆر چەك و تەقەمەنی لە هێرشە ئاسمانیەکەدا تێکشکێنران، کە بەشێك بوو لە ئۆپەراسیۆنێکی بەردەوام بۆ پاککردنەوەی بیابان و کڵێگەکان لە ناوچەکە لە پاشماوەی چەکدارانی داعش.