هاوپەیمانی نێودەوڵەتی چوارشەممە (11ی تشرینی یەکەم) شوێنکارێکی بۆمبدروستکردنی کردە ئامانج لە خۆرئاوای عێراق و بەتەواوی تێکیشکاند و ئەو کەسانەی لەناویدا بوون کوشتنی، فەرماندەیی ئۆپەراسیۆنەکانی ئەنبار رایگەیاند.
وتەبێژی فەرماندەییەکە عەقید محەمەد دولەیمی بە دیارونای وت: "هێرشێکی ئاسمانیی هاوپەیمانی نێودەوڵەتی بینایەکی کردە ئامانج کە لەلایەن رێکخراوی 'دەوڵەتی ئیسلامی' (داعش)وە بەکاردەهێنرا وەك کارگە بۆ بۆمبڕێژکردنی ئۆتۆمبیل و دروستکردنی بۆمبی دەستکرد، لە رومانە، خۆرئاوای قائیم."
وتی: "شەش تیرۆریست، لەنێویاندا کەسێکی ناعێراقی کە شاره‌زا بوو لە بۆمبڕێژکردنی ئۆتۆمبیل و دروستکردنی بۆمبی دەستکردا، لە هێرشە ئاسمانیەکەدا کوژران."
