هه‌واڵه‌كانی عێراق

ئاژانسێكی دەوڵەتی: مینێکی چێنراو کامێرەمانێکی سوری دەکوژێت

کامێرمانێکی سوری کە بۆ تەلەفزیۆنی دەوڵەت کاریدەکرد کوژرا کاتێك بۆمبێك تەقییەوە لە ناوەڕاستی پارێزگای حومسدا، ئاژانسی فرانس پرێس سێشەممە (10 تشرینی یەکەم) رایگەیاند.

ئاژانسی فەرمی هەواڵی سەنا رایگەیاند: "محەمەد میلادی کامێرەمان لە ناوچەیەکی دەوروبەری رۆژهەڵاتی حومس کوژرا." ئاماژەشی دا بەوەی تەقینەوەکە بەهۆی بۆمبێكه‌وه‌ بووە کە لەلایەن رێکخراوی "دەوڵەتی ئیسلامی" (داعش)ەوە چێنرابوو.

به‌ته‌واوی دیارنییە کەی رۆژنامەنوسەکە کوژرا و لە چ شوێنێكی ئه‌و ناوچەیه‌ کە هێشتا شەڕی نێوان داعش و هێزەکانی رژیمی تێدا بەردەوامە.

بەگوێرەی رێکخراوی رۆژنامەنوسانی بێسنور لە پاریس، سوریا بووەتە کوشندەترین وڵات بۆ رۆژنامەوانی لەم ساڵانەی دواییدا کە 211 رۆژنامەوان و رۆژنامەوانی مه‌ده‌نی لەوێدا کوژراون لەسەرەتای دەستپێکی شەڕه‌وه‌ لە 2011.

ئەم بابەتەت بەدڵە؟

0 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 / 1500