هەموو شارە عێراقیەکان لە کۆتایی ئەمساڵدا بەتەواوی لەدەستی رێکخراوی "دەوڵەتی ئیسلامی" (داعش) ئازاد دەکرێن، وەزیری بەرگری عێراق عیرفان حەیالی پێنجشەممە (21 ئەیلول) بە دیارونای وت.
وتی: "عێراقیەکان، بە یارمەتی هاوڕێیانیان، خێراتر لەوەی پێشبینی دەکرا کۆتاییان بە داعش هێنا."
حەیالی وتی لهسهدا 93ی ئەو شارانەی لەلایەن داعشەوە داگیرکرابوون رزگارکراون.
وتیشی: "ئێمە خەریکە کۆتایی کۆنترۆڵی داعش بەسەر عێراقدا رادەگەیەنین بە گرتنەوەی چوار شاری سەرەکی -- حەویجە، عەننە، راوە و قائیم."
وتی ئەمە لەپێش کۆتایی ئەمساڵدا روودەدات.
ههروهها وتی: "کۆمەڵگەی نێودەوڵەتی پاڵپشتی هێزەکانی عێراق دەکات و رۆڵی پاڵپشتی لۆجستی و راهێنانی هەیە."
وەزیری بەرگری وتی: "ژمارەی تیرۆریستانی داعش بەشێوەیەکی بەرچاو کەمبووەتەوە بەهۆی ئۆپەراسیۆنەکانی رزگارییەوە کە لەم مانگانەی دواییدا بە هەزارانی بنبڕکردووه."
دەربارەی رزگارکردنی شارەکانی فوراتی باڵا و حەویجە، وتی: "بەمزوانە هەواڵی خۆشی سەرکەوتنتان بۆ دههێنین."
"دوژمن شکاوە و هێزەکانمان پێشڕەویی گەورە دەکەن لە بەرەکانی شەڕدا."