هێزەکانی عێراق، بە پاڵپشتی هاوپەیمانان، لهسهدا 90 وڵاتەکەیان رزگارکردووە لەدەست رێکخراوی "دەوڵەتی ئیسلامی" (داعش)، حکومەتی عێراق سێشەممە (12 ئەیلول) رایگەیاند.
وتەبێژی حکومەتی عێراق سەعد حەدیسی لە چاوپێکەوتنێکی تەلەفزیۆنی دەوڵەتیدا وتی: "سێ ساڵ لەمەوبەر، داعش نزیکەی لهسهدا 40ی عێراقی کۆنترۆڵکردبوو."
وتی: "بەڵام ئەمڕۆ، گروپەکە شکستی پێهێنراوە لەسەر زەمین و لهسهدا 90ی شار و ناوچەکان کە بەدەستیەوە بوون رزگارکراون."
ههروهها وتی: "ئەو شارانەی ماون بەمزوانە رزگاردەکرێن و لاپەڕەی داعش هەڵدەدەینەوە تا 2018 ببێتە ساڵی بنیاتنانەوە و بیناکردن."
وتیشی دەستکەوتە سەربازییەکانی عێراق پێشبینیەکانی تێپەڕاندووە، چونکە هەندێك پێشبینییان کردبوو رزگارکردنی شارەکانی عێراق 10 ساڵی دەوێت.
وتی: "بەڵام، داعش ئێستا شکستی پێهێنراوە بەهۆی هەوڵی عێراقیەکان و هاوپەیمانی نێودەوڵەتییەوە تەنیا لە ماوەی سێ ساڵدا."