یەکەمین سێ بنكه‌ی پۆلیس لە تەلەعفەر کرانەوە لەکاتێکدا ئۆپەراسیۆنێك دەستیپێکرد بۆ پاککردنەوەی شارەکە و نەهێشتنی پاشماوەکانی جەنگ، فەرماندەیی ئۆپەراسیۆنە هاوبەشەکانی عێراق چوارشەممە (6 ئەیلول) رایگەیاند.
وتەبێژی فەرماندەییەکە عەمید یەحیا رەسوڵ وتی: "ئه‌ندامانی پۆلیس بڵاودەکرێنەوە لە چەندین بازگەدا و یارمەتیی رێکخستنی شارەکە دەدەن و ماڵەکان دەگەڕێن بۆ دڵنیابوون لەوەی هیچ هەڕەشەیەکی تیرۆریستی یان بۆمبێك جێنەماوە و موڵکوماڵی هاوڵاتیان بپارێزن لە دزی."
وتیشی: "ئەمە رێگە خۆشدەکات بۆ گەڕانەوەی هاوڵاتیان."
هه‌روه‌ها وتی هاوکات، کەمپینێكی به‌رفراوانی پاککردنەوە دەستیپێکرد لە تەلەعفەر بۆ لابردنی پاشماەوی ئۆتۆمبیل، بینا، پاشەڕۆ و پاشماوەی شەڕ، کردنەوەی رێگەکان و بڵاوکردنەوەی دەرمانی دژەمێروو.
