هه‌واڵه‌كانی عێراق

داعش داوا لە پیاوانی دێرەزور دەکات پەیوەندیبکەن بە شەڕەوە لە رەققە و موسڵ

رێکخراوی "دەوڵەتی ئیسلامی" (داعش) داواده‌كات لە پیاوانی دێرەزور و گوندەکانی خۆرهەڵاتی، له‌ تەمەنه‌ جیاوازەكاندا، تا بچن له‌ موسڵ و رەققە شه‌ڕبکەن، بەگوێرەی میدیا ناوخۆییە عەرەبییەکان.

گروپەکە پێنجشەممە (11 ئایار) لەڕێگەی بڵندگۆی مزگەوتەکان و کەناڵە میدیاییەکانیەوە فەرمانێکی بڵاوکردەوە بۆ هەر پیاوێك "کە دەتوانێت بجەنگێت" پەیوەندی بکات بە بنکە ئەمنییەکانەوە.

دوای لەدەستدانی شاری ستراتیژیی تەبقە و شکستی بەردەوامی لە موسڵ، داعش نائومێدانە هەوڵدەدات بۆ بەهێزکردنی ریزەکانی بە پەنابردن بۆ پیاوانی گەنج لە یەکێك لە دوایین قه‌ڵاكانیدا.

لە ئێستادا گروپەکە ئامادەییەکی بەرچاوی هەیە لە خۆرهەڵاتی دێرەزور و لە شارۆچکەکانی عەشارە، ئەلبوکەمال و مەیادین.

ئەم بابەتەت بەدڵە؟

0 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 / 1500