هه‌واڵه‌كانی عێراق

هاوپەیمانی عەرەب-کورد دەچنەناو تەبقەی ژێردەستی داعشه‌وه‌

هێزەکانی سوریای دیموکرات تەبقەی قەڵای "دەوڵەتی ئیسلامی لە عێراق و شام" (داعش)یان بڕی لە باکوری سوریا، دووشەممە (24 نیسان) و ده‌ستیانگرت به‌سه‌ر ناوچەکانی باشوری شارۆچکەکەدا، ئاژانسی فرانس پرێس رایگەیاند.

روانگەی سوری بۆ مافی مرۆڤ رایگەیاند: "هێزەکانی سوریای دیموکرات چوونەناو تەبقە بۆ یەکەمجار دوای گەمارۆدانی لەهەموو لایەکەوە."

سەرۆکی روانگەکە، رامی عەبدولڕەحمان، وتی: "ئەوان دەستیانگرت بەسەر چەند خاڵێکی باشوری شارۆچکەکەدا و پێشڕەوییانکرد به‌ره‌و سنوره‌كانی رۆژئاوای."

لە بەیاننامەیەکی سەر ئینتەرنێتدا، هاوپەیمانی ئۆپۆزسیۆنی عەرەب-کورد رایگەیاند کە پێگەکانی داعشیان گرتووە لە رۆژئاوای تەبقە، لەنێویاندا چوارڕیانێك و بەشێك لە باشوری شارۆچکەکە.

هێزەکانی سوریای دیموکرات رایگەیاند: "ئێستا ئۆپەراسیۆنی پاککردنەوە ئەنجامدەدرێت لە ناوچە ئازادکراوەکاندا."

تەبقە و بەنداوه‌ سەرەکیه‌كه‌ی نزیکی بەهەمان ناوەوە وەك پاداشتیێکی گرنگ ئەژماردەکرێن لە هێرشێکی فراوانتردا بۆ گرتنەوەی رەققە بە دووریی 55 کیلۆمەتر لە رۆژهەڵاتەوە.

هێزەکانی سوریای دیموکرات ئۆپەراسیۆنەکەیان دەستپێکرد لە تشرینی دووەمدا و لەوکاتەوە زۆربەی دەوروبەری پارێزگاکەیان گرتووە.

ئەم بابەتەت بەدڵە؟

0 كۆمێنت
رێوشوێنەکانی کۆمێنت نوسین * واتە ئەم خانەیە پێویستە 1500 / 1500