زیاتر لە 122,000 ئاوارەی عێراقی گەڕاونەتهوە ماڵەکانیان لە شارە ئازادکراوەکانی پارێزگای نەینەوا، وەزارەتی کۆچ و کۆچبەرانی عێراق یەکشەممە (23 نیسان) رایگەیاند.
وەزیری کۆچ و کۆچبەران، جاسم محەمەد، لە کۆنگرەیەکی رۆژنامەوانیدا وتی: "ژمارەی ئەو خەڵکەی لە کەمپەکانی باشور و رۆژهەڵاتی موسڵ گەڕاونەتهوە بۆ ناوچە ئازادکراوەکان لە پارێزگای نەینەوا بۆ نزیکەی 122,000 کەس بەرزبۆتەوە."
وتیشی: "سوپا و هێزە ئەمنیەکانی تر هەماهەنگی لەگەڵ ئێمە دەکەن لە گێڕانەوەی دانیشتواندا بۆ ماڵەکانیان لەهەموو ناوچە ئازادکراوەکانی موسڵ کاتێك مەترسی خاوبووهوە و پاشماوەی تهقهمهنی و بۆمبه دەستكردهكانی "دەوڵەتی ئیسلامی لە عێراق و شام" (داعش) لابران."
گەڕەکەکانی سەلام، سۆمەر، گۆگجەلی، وەحدە، ئینتیسار، راشیدییە، رەجم حەدید، فەڵەستین، خەزرا، مەئمون، زوهور، کەرامە و فەیسەڵیە و شارۆچکەکانی گەیارە و شۆرە گەڕانەوەی دانیشتوانیان بەخۆیانەوە بینیوە لەم رۆژانەی دواییدا.
هاوکات محەمەد وتی گەڕەکەکانی تریش چاكکراونەوە و دەتوانرێت 5,000 کەسی تریش بگەڕێندرێنەوە لە چەند رۆژێکی کەم لە داهاتوودا.
وتیشی: "وەزارەتەکە پاسی دابینکردووە بە هەماهەنگی لەگەڵ وەزارەتی گواستنەوە بۆ گێڕانەوەی خێزانەکان بۆ ناوچەکانیان و هەروەها بارهەڵگریش دابینکراوە بەهەماهەنگی لەگەڵ فەرماندەیی ئۆپەراسیۆنە هاوبەشەکان بۆ گواستنەوەی کەلوپەلەکانیان."