فەرماندەی ئۆپەراسیۆنە هاوبەشەکانی عێراق رایگەیاند هێزەکانی عێراق ئۆپەراسیۆنێکی بەرفراوانیان لە پارێزگای سەڵاحەدین دەستپێکردووە، هەینی (7 نیسان) بۆ هەڵکوتانەسەر ئەو شوێنە بچوکانەی لەژێر دەستی دەوڵەتی ئیسلامی لە عێراق و شام (داعش)دا ماونەتەوە.
وتەبێژی فەرماندەی ئۆپەراسیۆنە هاوبەشەکان، عەمید یەحیا رەسوڵ، لە لێدوانێکیدا بۆ دیارونا وتی: "سوپا و پۆلیسی فیدراڵ ئۆپەراسیۆنێکی پێشگیریی گەورەیان دەستپێکردوە لەناو قوڵایی پێگە گرنگەکانی داعشدا بۆ وەڵامدانەوەی چەند هێرشێکی تیرۆریستی كه بهمدواییانه لە پارێزگاکە روویاندا."
ناوبراو وتی ئۆپەراسیۆنەکە شاخەکانی حەمرین و باکوری تکریت و باشوری بەعاج و ناوچەی سینییەی كردۆته ئامانج.
وتیشی: "زۆر چەکداری داعش کوژراون، نۆ بارەگای داعش و ئۆتۆمبیلی بۆمبڕێژكراو لەناوبران و چەك و تەقەمەنیەکانیشیان دەستیان بەسەرداگیراون لە ئۆپەراسیۆنەکەدا."
رەسوڵ وتیشی: "ئۆپەراسیۆنەکە لەلایەن هێزی ئاسمانیی عێراق و هاوپەیمانی نێودەوڵەتییهوه پشتگیری دەکرێت و بەردەوام دەبێت هەتاکو گەیشتن بە ئامانجە پلانبۆدانراوەکان."