پارێزگاری ئەنبار سوهەیب راوی چوارشەممە (8 شوبات) بە دیارونای وت هێزەکانی عێراق بەردەوامن لە ئۆپەراسیۆنەکانیان بۆ رزگارکردنی شارۆچکە و گوندەکانی خۆرئاوای ئەنبار و پێشڕەوی دەکەن لە دژی "دەوڵەتی ئیسلامی لە عێراق و شام" (داعش).
راوی وتی: "هێزە هاوبەشەکانی عێراق و خێڵەکییەکان نزیکەی 20 کیلۆمەتر لە خاکیان گرتۆتەوە لەماوەی یەك هەفتەدا و لەنێوان حەدیسە و عەننەدا، زیاتر لە 100 چەکداری داعشیان کوشتووە و بریندارکردووە."
وتیشی: "ئامانجەکە ئەوەیە بەردەوامبن لە ئۆپەراسیۆنەکان تا گروپەکە ناچاربکەن لەم ناوچانە هەڵبێت و بگەڕێتەوە پێگەکانی پێش 2014 ی لە سوریا."
وتی تائێستا نزیکەی 90%ی ئەنبار رزگارکراوە. وتیشی داعش لە 2015دا زیاتر لە 80%ی پارێزگاکەی داگیرکردبوو.
