هێزەکانی عێراقی شاری دێرینی نەمرودیان گرتەوە، بەڵام بە سەختی خاپور کراوە لەلایەن "دەوڵەتی ئیسلامی لە عێراق و شام" (داعش)، ئاژانسی فرانس پرێس سێشەممە (15 تشرینی دووەم) رایگەیاند.

پەیکەرەکان کەوتوون وردوخاش کراون، جێگەیەکی نۆژەنکراوە پارچە پارچە کراوە و بورجێکی هەڕەمی -- وەختانێك یەکێك بوو لە بەرزترین پەیکەری بەجێماو لە خاچە کۆنەکان کە نزیکەی 50 مەتر درێژ بوو -- بچوکراوەتەوە بۆ پارچەی ورد.

هێزەکانی عێراقی رایانگەیاند کە نەمرودیان، کە لە سەدەی 13 دۆزرایەوە و بووە پایتەختی ئیمپراتۆریەتی ئاشوریەکان، گرتووە رۆژی یەکشەممە وەك بەشیك لە ئۆپەرسیۆنە مەزنەکە بۆ گرتنەوەی موسڵ، دوا شاری ژێر دەستی داعش لە وڵاتەکەدا.

نیسانی ساڵی رابردوو، داعش گرتەیەکی ڤیدیۆیی جەنگاوەرانی بڵاوکردەوە کە مۆنیومێنتەکانی نەمرود تێکدەشکێنن پێشئەوەی شوێنەکە بۆمبڕێژ بکەن و بیتەقێننەوە.

لە گرتە ڤیدیۆکەدا دەردەکەوت کە چەکدارەکان بە پیك و ئامێری کارەبایی دەستکردە هونەریەکانیان شکاند پێشئەوەی شوێنەکە بۆمبڕێژ بکەن بە بەرمیلی گەورە کە وا دەرکەوت تەقەمەنی بێت.

داعش رایگەیاند کە هێرشیکردە سەر نەمرود و شوێنە دێرینەکانی تر، لەنێویاندا پەلمیرەی سوریا و هەترەی عێراق، بۆ لەناوبردنی بتەکان کە قەدەغەکراون بەپێی لێکدانەوە توندەڕەوەکەی ئەوان بۆ ئیسلام.

بەڵام ئەمە داعشی نەوەستاند لە تاڵانکردن و فرۆشتنی ئەو دەستکردە هونەریانەی گوایە قەدەغە کراون بۆ دابینکردنی خەرجی ئۆپەراسیۆنەکانی.

رێکخراوی نەتەوە یەکگرتووەکان بۆ پەروەردە و زانست و کەلتور UNESCO خاپور کردنی نەمرودی وەك تاوانی جەنگ ئیدانە کردووە.